ദിലീപ്-നാദിര്‍ഷ കൂട്ടുകെട്ടിന്റെ ‘കേശു ഈ വീടിന്റെ നാഥന്‍’ എന്ന ചിത്രത്തിന്റെ ഷൂട്ടിംഗ് പുരോഗമിക്കുകയാണ്. വളരെ വ്യത്യസ്തമായ ഒരു പ്രമേയത്തില്‍ ഒരുങ്ങുന്ന ചിത്രത്തില്‍ അറുപതുകാരനായിട്ടാണ് ദിലീപ് എത്തുന്നത്. ഉര്‍വശിയാണ് ദിലീപിന്റെ ഭാര്യ വേഷത്തില്‍ എത്തുന്നത്.
ദിലീപ്-നാദിര്‍ഷ കൂട്ടുകെട്ട് ആദ്യമായി ഒരുമിക്കുന്ന ‘കേശു ഈ വീടിന്റെ നാഥന്‍’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുതുവ‍ർഷ പുലരിയിൽ പുറത്തുവന്നത് ഏറെ വൈറലായിരുന്നു. പോസ്റ്ററിലെ ദിലീപിന്റെ വേറിട്ട ലുക്ക് ഏറെ ച‍ർച്ചയായിരുന്നു. ഇപ്പോഴിതാ ദിലീപിന്റെ മൊട്ടയടിച്ചുള്ള ഒരു ലുക്ക് സോഷ്യൽമീഡിയയിൽ വൈറലായിരിക്കുകയാണ്.കേശു ഈ വീടിന്റെ നാഥന്‍റെ ഷൂട്ടിംഗ് പുരോഗമിക്കുകയാണ്.
ചിത്രത്തിൽ ഉര്‍വശിയാണ് ദിലീപിന്റെ ഭാര്യയുടെ വേഷത്തില്‍ എത്തുന്നത്. ചിത്രത്തിൽ കഷണ്ടിയുള്ള കഥാപാത്രത്തെ അവതരിപ്പിക്കുന്നതിനായി താരം തല മുണ്ഡനം ചെയ്തതാണെന്നാണ് പുതിയ ലുക്ക് സൂചിപ്പിക്കുന്നത്. ദിലീപ് ഫാൻസ് ഗ്രൂപ്പുകളിലാണ് പുതിയ ചിത്രം
വൈറലായിക്കൊണ്ടിരിക്കുന്നത്.സിദ്ദീഖ്, സലീം കുമാര്‍, ഹരിശ്രീ അശോകന്‍, കലാഭവന്‍ ഷാജോണ്‍, നെസ്ലൻ, ഹരീഷ് കണാരന്‍, ശ്രീജിത്ത് രവി, ജാഫര്‍ ഇടുക്കി, കോട്ടയം നസീര്‍, ഗണപതി, സാദ്ദീഖ്, പ്രജോദ് കലാഭവന്‍, ഏലൂര്‍ ജോര്‍ജ്, ബിനു അടിമാലി, അരുണ്‍ പുനലൂര്‍, രമേശ് കുറുമശ്ശേരി, കൊല്ലം സുധി, നന്ദു പൊതുവാള്‍, അര്‍ജുന്‍, ഹുസൈന്‍ ഏലൂര്‍, ഷൈജോ അടിമാലി, അനുശ്രീ, വൈഷ്ണവി, സ്വാസിക, മഞ്ജു, നേഹ, സീമാ ജി. നായര്‍, വത്സല മേനോന്‍ തുടങ്ങി നിരവധി താരങ്ങളാണ് ചിത്രത്തിൽ അഭിനയിക്കുന്നത്.ദിലീപിന്‍റേയും നാദിര്‍ഷയുടേയും സംയുക്ത സംരഭമായ നാദ് ഗ്രൂപ്പ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം അനില്‍ നായരാണ് നിര്‍വ്വഹിക്കുന്നത്. ബി.കെ. ഹരിനാരായണന്‍, ജ്യോതിഷ്, നാദിര്‍ഷ എന്നിവരുടെ വരികള്‍ക്ക് നാദിര്‍ഷ തന്നെയാണ് സംഗീതസംവിധാനം.
