മലയാളികളുടെ കൺമുന്നിൽ വളർന്ന കലാകാരിയാണ് നസ്രിയ നസീം. മല‌യാളിയാണെങ്കിലും നസ്രിയ പഠിച്ചതും വളർന്നതുമെല്ലാം വിദേശത്താണ്. ഇരുപത്തിയൊമ്പതുകാരിയായ നസ്രിയ നടൻ ഫഹദ് ഫാസിലെ പ്രണയിച്ച് വിവാഹം ചെയ്തതോടെ ഏറെനാൾ സിനിമയിൽ നിന്നും വിട്ടു നിന്നു. വിവാഹിതരായ മറ്റുള്ള നടിമാരെ പോലെ നസ്രിയയും കുടുംബ ജീവിതവുമായി ഒതുങ്ങി കൂടിയില്ല. നാല് വർഷത്തെ ഇടവേളയ്ക്ക് ശേഷം അഞ്ജലി മേനോൻ സിനിമ കൂടെയിലൂടെ നസ്രിയ സിനിമയിലേക്ക് തിരികെ എത്തി. ഇന്ന് മലയാളത്തിലുള്ള ഏറ്റവും സമ്പന്നമായ താരജോഡികളിൽ നസ്രിയയും ഫഹദ് ഫാസിലും മുൻനിരയിൽ തന്നെയുണ്ട്. ഫഹദ് ഫാസിൽ-നസ്രിയ ജോഡിയുടെ സ്വത്ത് വിവരങ്ങളാണ് ഇപ്പോൾ ആരാധകരെ അമ്പരപ്പിക്കുന്നത്. സിനിമാ കരിയറിന്റെ പീക്കിൽ നിൽക്കുമ്പോഴായിരുന്നു ഫഹദുമായുള്ള നസ്രിയയുടെ വിവാഹം. ഇരുവരും തമ്മിൽ പന്ത്രണ്ട് വയസിന്റെ വ്യത്യാസമുണ്ട്.
ബാംഗ്ലൂർ ഡെയ്സ് ഷൂട്ടിങ് സമയത്ത് ഫഹദിനോട് വിവാഹം കഴിക്കാൻ പറ്റുമോയെന്ന് നസ്രിയ അങ്ങോട്ട് പോയി ചോദിച്ചതാണ് എന്നും വിവരമുണ്ട്. ചിത്രത്തിൽ ദാസും ദിവ്യയുമായി ഇരുവരും മികച്ച പ്രകടനമാണ് കാഴ്ച വെച്ചത്. എന്നാൽ ഫഹദുമായുള്ള നസ്രിയയുടെ വിവാഹം നടന്നശേഷം കുറ്റപ്പെടുത്തലുകൾ ഏറെയും കേൾക്കേണ്ടി വന്നത് നസ്രിയയ്ക്കാണ്. സിനിമാ കുടുംബത്തിലെ അംഗമായതു കൊണ്ടാണ് ഫഹദിന്റെ പ്രായം പോലും വിഷയമാക്കാതെ നസ്രിയ വിവാഹത്തിന് ഒരുങ്ങിയത് എന്നായിരുന്നു നസ്രിയയ്ക്ക് നേരെ ഒരു വിഭാഗം ഉയർത്തി കാണിച്ച കുറ്റപ്പെടുത്തലുകൾ. പക്ഷെ നസ്രിയ അതൊന്നും കാര്യമായി എടുക്കാതെ സന്തുഷ്ടകരമായ ദാമ്പത്യ ജീവിതം നയിക്കുകയാണ്. തമിഴിൽ നസ്രിയയ്ക്ക് ബ്രേക്കായത് രാജാ റാണി എന്ന സിനിമയാണ്. ആര്യയായിരുന്നു ചിത്രത്തിൽ നസ്രിയയുടെ ജോഡി. അറ്റ്ലി സംവിധാനം ചെയ്ത സിനിമ ഇന്നും ഒട്ടുമിക്ക ആളുകളുടെയും പ്രിയ സിനിമകളിൽ ഒന്നാണ്. മുൻനിര നായികയായതുകൊണ്ടും തെലുങ്കിൽ അടക്കം മാർക്കറ്റ് ഉള്ളതു കൊണ്ടും ഒരു ചിത്രത്തിന് മൂന്ന് മുതൽ നാല് കോടി രൂപ വരെയാണ് നസ്രിയ ഇപ്പോൾ പ്രതിഫലം വാങ്ങുന്നത്. തമിഴ്, തെലുങ്ക്, മലയാളം സിനിമകളിൽ തിരക്കുള്ള നടനാണ് ഫഹദ് എന്നതുകൊണ്ട് തന്നെ അദ്ദേഹം 10 കോടി രൂപ വരെ പ്രതിഫലം വാങ്ങാറുണ്ടെന്നാണ് റിപ്പോർട്ട്.
ദമ്പതികൾക്ക് കൊച്ചിയിൽ വലിയ ആഢംബര വസതി സ്വന്തമായുണ്ട്. ഇതിന് കോടികൾ വിലമതിക്കുമെന്നാണ് സൂചന. അതുപോലെ രണ്ടുപേർക്കും കാറുകളോട് കമ്പമുണ്ട്. ഡിഫൻഡർ, പോർഷെ, റേഞ്ച് റോവർ തുടങ്ങി നിരവധി ആഡംബര കാറുകൾ താരദമ്പതികളുടെ പക്കലുണ്ട്. യഥാർത്ഥ ജീവിതത്തിൽ രാജാവും രാജ്ഞിയുമായി ജീവിക്കുന്ന താരജോഡിയാണ് ഫഹദ് ഫാസിലും നസ്രിയയും. ആസ്തി 40 കോടിയിലേറെ വരുമെന്നാണ് സൂചന. അതേസമയം ഗായികയാണന്നതുകൊണ്ട് തന്നെ ചെറുപ്പം മുതൽ സ്റ്റേജ് ഷോകളിലും ടെലിവിഷൻ പരിപാടികളിലും സജീവമായിരുന്നു നസ്രിയ നസീം. അത്തരത്തിൽ ശോഭിച്ച് നിൽക്കെയാണ് നസ്രിയയെ സംവിധായകൻ ബ്ലെസി കാണുന്നതും പളുങ്കിൽ മമ്മൂട്ടിയുടെ മകളായി അഭിനയിക്കാൻ കാസ്റ്റ് ചെയ്യുന്നതും. പളുങ്കിലെ നസ്രിയയുടെ പ്രകടനം ശ്രദ്ധിക്കപ്പെട്ടു. അതോടെ പ്രമാണി, ഒരു നാൾ വരും സിനിമകളിലും ബാലതാരമായി നസ്രിയയ്ക്ക് അഭിനയിക്കാൻ അവസരം ലഭിച്ചു. പിന്നീട് മഞ്ച് സ്റ്റാർ സിങർ, അവാർഡ് നിശകൾ എന്നിവയിൽ അവതാരക അവയൊക്കെ തിളങ്ങി നിൽക്കുമ്പോഴാണ് നസ്രിയയ്ക്ക് മാഡ് ഡാഡിലെ നായിക വേഷം ലഭിച്ചത്. ഈ സിനിമ സമ്മിശ്ര പ്രതികരണമാണ് നേടിയതെങ്കിലും നസ്രിയയ്ക്ക് ലൈം ലൈറ്റിൽ കൂടുതൽ ശോഭിക്കാനുള്ള അവസരങ്ങളാണ് പിന്നീട് തെളിഞ്ഞ് വന്നത്. ചെറിയ പ്രായത്തിൽ തന്നെ തമിഴിലും തെലുങ്കിലും വരെ നായികയായി അഭിനയിച്ച് ആരാധകരെ സമ്പാദിച്ചു നസ്രിയ. ഇന്ന് നസ്രിയ അഭിനയത്തിൽ സജീവമാണ്. തെലുങ്കിൽ നിന്ന് അടക്കം നിരവധി അവസരങ്ങൾ നസ്രിയയ്ക്ക് വരുന്നുണ്ടെങ്കിലും താരം സിനിമ തെരഞ്ഞെടുക്കുന്ന കാര്യത്തിൽ വളരെ സെലക്ടീവാണ്. സൂര്യയുടെ 43ആം ചിത്രമായ സൂര്യ 43 എന്ന് താത്കാലിക പേര് നൽകിയിരിക്കുന്ന ചിത്രത്തിലൂടെ ഒരിടവേളയ്ക്ക് ശേഷം തമിഴിലേക്ക് തിരികെ എത്താൻ ഒരുങ്ങുകയാണ് നസ്രിയ നസീം ഇപ്പോൾ.
