പൃഥ്വിരാജ് ചിത്രം ജന ഗണ മനയുടെ ട്രെയിലര് പുറത്ത്. നാല് മിനിറ്റോളമുള്ള ഒരു രംഗമാണ് അണിയറക്കാര് പുറത്തുവിട്ടിരിക്കുന്നത്. പൃഥ്വിരാജും സുരാജ് വെഞ്ഞാറമ്മൂടുമാണ് ചിത്രത്തില് പ്രധാനവേഷത്തിലെത്തുന്നത്. ഡിജോ ജോസ് ആന്റണിയാണ് ചിത്രം സംവിധാനം ചെയ്യുന്നത്. ഷാരിസ് മുഹമ്മദിന്റേതാണ് ചിത്രത്തിന്റെ രചന. പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോനും മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനും ചേര്ന്നാണ് നിര്മാണം. ചിത്രം ഏപ്രില് 28ന് തിയറ്ററിലെത്തും.
ശ്രീ ദിവ്യ, ധ്രുവന്, ശാരി, രാജ കൃഷ്ണമൂര്ത്തി, പശുപതി, അഴകം പെരുമാള്, ഇളവരശ്, വിനോദ് സാഗര്, വിന്സി അലോഷ്യസ്, മിഥുന്, ഹരി കൃഷ്ണന്, വിജയകുമാര്, വൈഷ്ണവി വേണുഗോപാല്, ചിത്ര അയ്യര്, ബെന്സി മാത്യൂസ്, ധന്യ അനന്യ, നിമിഷ, ദിവ്യ കൃഷ്ണ, ജോസ്കുട്ടി ജേക്കബ്, പ്രസാദ് അരുമനായകം, രാജ് ബാബു തുടങ്ങിയവരാണ് മറ്റ് അഭിനേതാക്കള്. സൗണ്ട് ഡിസൈന് സിങ്ക് സിനിമ. യുവഛായാഗ്രാഹകരില് ശ്രദ്ധേയനായ സുദീപ് ഇളമണ് ആണ് സിനിമാറ്റോഗ്രാഫര്. ‘അയ്യപ്പനും കോശി’യും ക്യാമറയില് പകര്ത്തിയത് സുദീപ് ആയിരുന്നു. ലൈന് പ്രൊഡ്യൂസര്മാര് ഹാരിസ് ദേശം, സന്തോഷ് കൃഷ്ണന്, എക്സിക്യൂട്ടീവ് പ്രൊഡ്യൂസര് നവീന് പി തോമസ്. സ്റ്റില്സ് സിനറ്റ് സേവ്യര്, ഡിസൈന് ഓള്ഡ്മങ്ക്സ്.