ബേസില് ജോസഫും ദര്ശന രാജേന്ദ്രനും പ്രധാന വേഷങ്ങളിലെത്തുന്ന ചിത്രം ‘ജയ ജയ ജയ ജയ ഹേ’ നാളെ പ്രദര്ശനത്തിനെത്തും. ജാനേമന് എന്ന സിനിമക്ക് ശേഷം ചിയേഴ്സ് എന്റര്ടൈന്മെന്റസ് അവതരിപ്പിക്കുന്ന പുതിയ ചിത്രമാണ് ‘ജയ ജയ ജയ ജയ ഹേ’.
ചിയേഴ്സ് എന്റര്ടൈന്മെന്റ്സിന്റെ ബാനറില് ലക്ഷ്മി വാര്യര്, ഗണേഷ് മേനോന് എന്നിവരും സൂപ്പര് ഡ്യുപ്പര് ഫിലിംസിന്റെ ബാനറില് അമല് പോള്സനും ചേര്ന്നു നിര്മ്മിക്കുന്ന ചിത്രത്തിന്റെ ട്രെയിലറിനും ടീസറിനുമെല്ലാം വന് സ്വീകാര്യകയാണ് ലഭിച്ചത്.
സംവിധായകന് വിപിന് ദാസും നാഷിദ് മുഹമ്മദ് ഫാമിയും ചേര്ന്നാണ് തിരക്കഥ ഒരുക്കുന്നത്. ഒരു ഫാമിലി എന്റര്ടെയ്നര് ആയ ചിത്രത്തില് വലിയ താര നിര അണിനിരക്കുന്നുണ്ട്. ബേസില് ജോസഫ് ചിത്രത്തിന്റെ ഛായാഗ്രാഹണം നിര്വഹിക്കുന്നത് ബാബ്ലു അജുവാണ്. ജോണ് കുട്ടിയാണ് ചിത്രസംയോജനം നിര്വഹിക്കുക.
ലക്ഷ്മി മേനോന്, ഗണേഷ് മേനോന് എന്നിവരാണ് ചിത്രം നിര്മിക്കുന്നത്. ചിയേഴ്സ് എന്റര്ടെയ്ന്മെന്റിന്റിന്റെ ബാനറിലാണ് ‘ജയ ജയ ജയ ജയ ഹേ’യുടെ നിര്മാണം. അമല് പോള്സനാണ് സഹ നിര്മ്മാണം. നിര്മ്മാണ നിര്വഹണം പ്രശാന്ത് നാരായണന്.
അജു വര്ഗീസ്, അസീസ് നെടുമങ്ങാട്, സുധീര് പരവൂര്, മഞ്ജു പിള്ള, ശരത് സഭ, ഹരീഷ് പെങ്ങന് എന്നിവരാണ് ‘ജയ ജയ ജയ ജയ ഹേ’യിലെ മറ്റ് കഥാപാത്രങ്ങളെ അവതരിപ്പിക്കുന്നത്. നിരവധി ബോളിവുഡ് ചിത്രങ്ങളില് പ്രവര്ത്തിച്ച സ്റ്റണ്ട് മാസ്റ്റര് ഫെലിക്സ് ഫുകുയോഷി റുവേ ആണ് സംഘട്ടന രംഗങ്ങള് ഒരുക്കുന്നത്. അങ്കിത് മേനോന് ‘ജയ ജയ ജയ ജയ ഹേ’യുടെ സംഗീത സംവിധാനം നിര്വഹിക്കുന്നു. കല – ബാബു പിള്ള, ചമയം – സുധി സുരേന്ദ്രന്, വസ്ത്രലങ്കാരം – അശ്വതി ജയകുമാര്, മുഖ്യ സഹ സംവിധാനം – അനീവ് സുരേന്ദ്രന്, ധനകാര്യം – അഗ്നിവേഷ്, നിശ്ചല ചായാഗ്രഹണം- ശ്രീക്കുട്ടന്, വാര്ത്താ പ്രചരണം – ജിനു അനില്കുമാര്, വൈശാഖ് വടക്കേവീട് എന്നിവരുമാണ്.