മമ്മൂട്ടിയെ നായകനാക്കി ഛായാഗ്രാഹകന് റോബി വര്ഗീസ് ആദ്യമായി സംവിധാനം ചെയ്യുന്ന ചിത്രമാണ് കണ്ണൂര് സ്ക്വാഡ് നാളെ മുതല് തിയ്യേറ്ററിലേക്ക്. എസ്ഐ ജോര്ജ് മാര്ട്ടിന് എന്ന പോലീസുകാരനായിട്ടാണ് ചിത്രത്തില് മമ്മൂട്ടി എത്തുന്നത്. കേസന്വേഷണത്തിന്റെ ഭാഗമായി പ്രതികളെ തിരഞ്ഞു ഇന്ത്യയൊട്ടാകെ നടത്തുന്ന അന്വേഷണത്തിന് പ്രതീക്ഷയോടെ കാത്തിരിപ്പിലാണ് ആരാധകലോകം.
ഭീഷ്മപര്വ്വം, റോഷാക്ക്, നന്പകല് നേരത്ത് മയക്കം, പുഴു തുടങ്ങിയ ചിത്രങ്ങളില് നടനവിസ്മയം സൃഷ്ടിച്ച മെഗാ സ്റ്റാര് എഎസ്ഐ ജോര്ജിനായി വന് കാത്തിപ്പിലാണ്. മുന് കണ്ണൂര് എസ്പി എസ്.ശ്രീജിത്ത് രൂപീകരിച്ച കണ്ണൂര് സ്ക്വാഡിന്റെ ഭാഗമായ പോലീസ് ഉദ്യോഗസ്ഥരുടെ സംഘത്തില് നിന്ന് പ്രചോദനം ഉള്ക്കൊണ്ടാണ് ചിത്രത്തിന്റെ കഥ. നിരവധി പോലീസ് കഥാപാത്രങ്ങളായി മമ്മൂട്ടി മലയാളത്തില് എത്തിയിട്ടുണ്ട്. യവനിക മുതല് കണ്ണൂര് സ്ക്വാഡ് വരെ ഇരുപതോളം പോലീസ് വേഷങ്ങള്.
നന്പകല് നേരത്തു മയക്കം, റോഷാക്ക്, കാതല് എന്നീ ചിത്രങ്ങള്ക്ക് ശേഷം മമ്മൂട്ടി കമ്പനി നിര്മ്മിക്കുന്ന ചിത്രത്തിന്റെ കഥ എഴുതിയിരിക്കുന്നത് ഷാഫിയാണ്. എസ്.ജോര്ജ് ആണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്. ദുല്ഖര് സല്മാന്റെ ഉടമസ്ഥതയിലുള്ള വേഫെറര് ഫിലിംസ് ആണ് ചിത്രം കേരളത്തില് എത്തിക്കുന്നത്.
മമ്മൂക്കയോടൊപ്പം ചിത്രത്തില് കിഷോര്കുമാര്,വിജയരാഘവന്, അസീസ് നെടുമങ്ങാട്, ശബരീഷ്, റോണി ഡേവിഡ്,മനോജ്.കെ.യു, അര്ജുന് രാധാകൃഷ്ണന്, ദീപക് പരമ്പോള്, ധ്രുവന്, ഷെബിന് ബെന്സണ്, ശ്രീകുമാര് തുടങ്ങി നിരവധി താരങ്ങളാണ് ചിത്രത്തില് മറ്റ് പ്രധാന വേഷങ്ങളിലെത്തുന്നത്.
മുഹമ്മദ് റാഹില് ഛായാഗ്രഹണം നിര്വഹിക്കുന്ന ചിത്രത്തിലെ ഗാനങ്ങള്ക്ക് സംഗീതം പകരുന്നത് സുഷിന് ശ്യാമാണ്. എഡിറ്റിംഗ് കൈകാര്യം ചെയ്യുന്നത് പ്രവീണ് പ്രഭാകര്. ലൈന് പ്രൊഡ്യൂസര് : സുനില് സിംഗ്, പ്രൊഡക്ഷന് കണ്ട്രോളര് : പ്രശാന്ത് നാരായണന്, ചീഫ് അസോസിയേറ്റ് ഡയറക്ടേഴ്സ് : ജിബിന് ജോണ്, അരിഷ് അസ്ലം, ചീഫ് അസ്സോസിയേറ്റ് ക്യാമറാമാന് : റിജോ നെല്ലിവിള, പ്രൊഡക്ഷന് ഡിസൈനര് : ഷാജി നടുവില്, മേക്കപ്പ് : റോണെക്സ് സേവ്യര്, വസ്ത്രാലങ്കാരം : അരുണ് മനോഹര്, അഭിജിത്, സൗണ്ട് ഡിസൈന് : ടോണി ബാബു എംപിഎസ്ഇ, അസോസിയേറ്റ് ഡയറക്ടേഴ്സ് : വി ടി ആദര്ശ്, വിഷ്ണു രവികുമാര്, വി എഫ് എക്സ്: ഡിജിറ്റല് ടര്ബോ മീഡിയ, വിശ്വാ എഫ് എക്സ്, സ്റ്റില്സ്: നവീന് മുരളി, ഓവര്സീസ് വിതരണം: ട്രൂത്ത് ഗ്ലോബല് ഫിലിംസ്, ഡിസൈന്: ആന്റണി സ്റ്റീഫന്,ഡിജിറ്റല് മാര്ക്കറ്റിംഗ് : വിഷ്ണു സുഗതന്, പി ആര് ഒ : പ്രതീഷ് ശേഖര്.