ഗായകന്‍ എംജി ശ്രീകുമാറും ഭാര്യ ലേഖ ശ്രീകുമാറും മലയാളികളുടെ പ്രിയപ്പെട്ട താരദമ്പതികളാണ്. 2000ലാണ് എംജിയും ലേഖയും ഒന്നിക്കുന്നത്. ലിവിങ് ടുഗ്ദര്‍ റിലേഷനിലെ മാതൃകാ ദമ്പതികളെന്നാണ് ഇരുവരും അറിയപ്പെടുന്നത്. 14 വര്‍ഷത്തെ ലിവിങ് ടുഗദറിന് ശേഷമാണ് എംജി ലേഖയും ഒന്നിച്ചത്. അന്നത്തെ ഇരുവരുടെയും പ്രണയം ഇന്നും അതുപോലെത്തന്നെയുണ്ട്. മുന്‍പ് നല്‍കിയ അഭിമുഖത്തില്‍ ഇരുവരും സ്നേഹത്തിന്റെയും രഹസ്യം വെളിപ്പെടുത്തിയിരുന്നു.
‘ഇന്നുവരെ ഞങ്ങള്‍ തമ്മില്‍ ഒരു പ്രശ്നവും ഉണ്ടായിട്ടില്ലെന്നും ഇനി ഒരു പ്രശ്നവും ഉണ്ടാവുകയും ഇല്ലെന്നും മുന്‍പ് എംജി പറഞ്ഞിരുന്നു. ഇത് വലിയൊരു അഹങ്കാരമായി പറയുന്നതല്ല. അവളുടെ സന്തോഷത്തില്‍ ഞാനും, എന്റെ സന്തോഷത്തില്‍ അവളും കൈ കടത്താറുമില്ല. എനിക്ക് ഇഷ്ടം ഉള്ളതൊക്കെ അവള്‍ ചെയ്തു തരുന്നുണ്ട്. അവള്‍ക്ക് ഇഷ്ടമുള്ളത് ഞാനും കൊടുക്കുന്നു, പ്രണയ രഹസ്യം വെളിപ്പെടുത്തി ഒരിക്കല്‍ എംജി പറഞ്ഞു.
സോഷ്യല്‍ മീഡിയയിലും സജീവമാണ് ലേഖ ശ്രീകുമാര്‍. യൂട്യൂബ് ചാനലിലൂടെ ലേഖ തന്റെയും എംജിയുടേയും വിശേഷങ്ങളും സന്തോഷങ്ങളും പങ്കുവെയ്ക്കാറുമുണ്ട്. ഇപ്പോഴിതാ സോഷ്യല്‍ മീഡിയില്‍ വൈറല്‍ ആവുന്നത് ലേഖയുടെ പുതിയ സന്തോഷമാണ്.
മകളെ കാണാന്‍ വേണ്ടി അമേരിക്കയിലേയ്ക്ക് പോയിരിക്കുകയാണ് ലേഖ.
എംജി കൂടെ ഇല്ലാതെ ഒറ്റയ്ക്കാണ് യാത്ര. എയര്‍പോര്‍ട്ടില്‍ നിന്നുളള ചിത്രങ്ങള്‍ പങ്കുവെച്ച് കൊണ്ടാണ് അമേരിക്കന്‍ യാത്ര വിശേഷങ്ങള്‍ ലേഖ ശ്രീകുമാര്‍ പങ്കുവെച്ചിരിക്കുന്നത്. ഒരു ചെറിയ ഇടവേളയ്ക്ക് ശേഷമാണ് അമേരിക്കയിലേയ്ക്ക് പോകുന്നത്.
എയര്‍പോര്‍ട്ടില്‍ നിന്നും എംജിയ്ക്കൊപ്പമുളള ചിത്രത്തോടൊപ്പമാണ് ഒറ്റയ്ക്കുള്ള അമേരിക്കന്‍ യാത്രയെ കുറിച്ച് ലേഖ പറയുന്നത്. ‘കൃത്യം രണ്ട് വര്‍ഷത്തിന് ശേഷം ഒരു വിമാനത്തില്‍ കയറി, ഒരുപാട് കാര്യങ്ങള്‍ മാറി, സാന്‍ ജോസിലെ എന്റെ കുടുംബത്തെ കാണാനാവുന്നതിന്റെ ത്രില്ലിലാണ് ഞാന്‍. അതേസമയം ഭര്‍ത്താവിനെ മിസ് ചെയ്യുന്നുണ്ടെന്നും ലേഖ കുറിച്ചു.
മാസങ്ങള്‍ക്ക് മുന്‍പ് അമ്മയെ കാണാന്‍ വേണ്ടി ലേഖയുടെ മകള്‍ കേരളത്തില്‍ എത്തിയിരുന്നു. ലേഖ തന്നെയാണ് മകള്‍ക്കൊപ്പമുളള സന്തോഷം നിറഞ്ഞ നിമിഷം സോഷ്യല്‍ മീഡിയയില്‍ പങ്കുവെച്ചത്.
മാസങ്ങള്‍ക്ക് മുന്‍പാണ് ഗൃഹലക്ഷ്മിയ്ക്ക് നല്‍കിയ അഭിമുഖത്തില്‍ തനിക്ക് ഒരു മകളുണ്ടെന്നുള്ള കാര്യം ലേഖ വെളിപ്പെടുത്തിയത്. തനിക്ക് മറച്ച് വയ്ക്കാന്‍ ഒന്നുമില്ലെന്ന് പറഞ്ഞു കൊണ്ടാണ് മകളെ കുറിച്ച് പറഞ്ഞത്.
‘എനിക്ക് മറച്ചുപിടിക്കാന്‍ ഒന്നുമില്ല. എനിക്കൊരു മോളുണ്ടെന്നത് എല്ലാവര്‍ക്കും അറിയുന്ന കാര്യമാണ്. കല്യാണം കഴിഞ്ഞു അമേരിക്കയിലാണ്. ഞങ്ങള്‍ ഹാപ്പിയാണ് അവരും ഹാപ്പി’ എന്നായിരുന്നു അന്ന് ലേഖ പറഞ്ഞിരുന്നത്.
പിന്നീട് മകളുമായി ഗുരുവായൂര്‍ ദര്‍ശനത്തിനെത്തിയ ലേഖ മകളുടെ ചിത്രം പങ്കുവച്ചുകൊണ്ട് ”താന്‍ ദൈവത്തോട് നല്ലൊരു സുഹൃത്തിനെ ചോദിച്ചു, അങ്ങനെ ദൈവം അയച്ചു തന്നതാണ് മകളെ”എന്ന് കുറിച്ചിരുന്നു.
