ഫാഷന് ഡിസൈനര്മാരായ കുനാല് റാവലും അര്പിത മേത്തയും വിവാഹിതരാകാന് ഒരുങ്ങുകയാണ്. വിവാഹത്തിന് മുമ്പ്, സുഹൃത്തുക്കള്ക്കായി ഒരു ഗംഭീരമായ പ്രീ-വെഡ്ഡിംഗ് പാര്ട്ടി നടത്തി. ഐവറി വൈറ്റ് ലെഹംഗയും ബ്രേലെറ്റ് സെറ്റും ധരിച്ചാണ് മലൈക വിവാഹത്തില് പങ്കെടുത്തത്, അര്ജുന് കറുത്ത സ്യൂട്ടില് തിളങ്ങി. ആഘോഷങ്ങളില് നിന്നുള്ള മലൈക അറോറയുടെയും അര്ജുന് കപൂറിന്റെയും വീഡിയോ സോഷ്യല് മീഡിയയില് തരംഗമാകുന്നു; തകര്പ്പന് നൃത്തപ്രകടനത്തിലൂടെ ദമ്പതികള് ശ്രദ്ധേയമാകുകയാണ്.
View this post on Instagram
ഷാരൂഖ് ഖാനും മനീഷ കൊയ്രാളയും അഭിനയിച്ച ‘ദില് സേ’ എന്ന ചിത്രത്തിലെ ‘ചയ്യ ചയ്യ’ എന്ന ഗാനത്തിന് മലൈക അറോറയും അര്ജുന് കപൂറും ചുവടുവെക്കുന്നത് വീഡിയോയില് കാണാം. മലൈകയും ഷാരൂഖും ട്രെയിനിന് മുകളില് നൃത്തം ചെയ്യുന്ന ഗാനം 1990 കളിലെ സൂപ്പര് ഹിറ്റ് ഗാനമാണ്.
View this post on Instagram
നടന് അര്ജുന് കപൂറും ഡിസൈനര് കുനാല് റാവലും അടുത്ത ബന്ധം പങ്കിടുന്നു. കപൂര് കുടുംബത്തിന്റെ കുടുംബ ചടങ്ങുകളില് ഡിസൈനര് പലപ്പോഴും ശ്രദ്ധിക്കപ്പെടാറുണ്ട്. മോഹിത് സൂരിയുടെ ‘ഏക് വില്ലന് റിട്ടേണ്സ്’ എന്ന ചിത്രത്തിലാണ് അര്ജുന് കപൂര് അവസാനമായി അഭിനയിച്ചത്, ദിഷാ പടാനി, അര്ജുന് രാംപാല്, താര സുതാരിയ എന്നിവര് സഹ അഭിനേതാക്കളായിരുന്നു. ‘കുട്ടേ’, ‘ദി ലേഡി കില്ലര്’ എന്നീ ചിത്രങ്ങളിലാണ് താരം ഇപ്പോള് അഭിനയിക്കുന്നത്.