ബിഗ് സ്‌ക്രീനിലും മിനി സ്‌ക്രീനിലും ഒരുപോലെ തിളങ്ങിയ താരമാണ് മായാവിശ്വനാഥ്. ഒരുപാട് സീരിയലുകളിലും അനന്തഭദ്രം,തന്മാത്ര,സദാനന്ദന്റെ സമയം തുടങ്ങിയ സിനിമകളിലെല്ലാം താരം അഭിനയിച്ചിരുന്നു. എന്നാലിപ്പോള്‍ അഭിനയ മേഖലയില്‍ നിന്ന് വിട്ടു നില്‍ക്കുകയാണ് ഈ നടി. ആള്‍രൂപങ്ങള്‍ എന്ന സിനിമയില്‍ കരുത്തുറ്റ നായികവേഷം ചെയ്ത് താരം പ്രേക്ഷകരെ ഞെട്ടിച്ചിരുന്നു.
ഇപ്പോള്‍ ആറ് കൊല്ലത്തില്‍ അധികമായി താരം ഇന്‍ഡസ്ട്രിയില്‍ നിന്ന് വിട്ടുനില്‍ക്കുന്നു. മലയാള മിനിസ്‌ക്രീനില്‍ ഒരുകാലത്ത് തിളങ്ങി നിന്നിരുന്ന താരമായിരുന്നു മായാവിശ്വനാഥ്. മിനിസ്‌ക്രീനിലെ ഒഴിവാക്കാന്‍ കഴിയാത്ത ഒരു മുഖമായിയുന്നു മായയുടേത്. പ്രേംകുമാര്‍ സി.വി സംവിധാനം ചെയ്ത ആള്‍രൂപങ്ങള്‍ സിനിമയില്‍ നന്ദു ആയിരുന്നു മായയുടെ നായകന്‍. എന്നാല്‍ ആറ് ഏഴ് വര്‍ഷമായി മലയാളി മിനിസ്‌ക്രീനില്‍ നിന്നും ബിഗ്‌സ്‌ക്രീനില്‍ നിന്നും താരം വിട്ടുനില്‍ക്കുകയാണ്. എന്നാലിപ്പോഴിതാ താരം ഒരു തിരിച്ചുവരവിന് ഒരുങ്ങുകയാണ് എന്ന വാര്‍ത്തകളാണ് പുറത്ത് വരുന്നത്. ലാലേട്ടന്റെ ആറാട്ട് എന്ന ചിത്രത്തിലൂടെയാണ് താരം മടങ്ങിവരാന്‍ തുടങ്ങുന്നത്.
26 വര്‍ഷമായി ഇന്‍ഡസ്ട്രിയില്‍ ഉള്ള താന്‍ അഭിനയം നിര്‍ത്തിയിട്ടില്ല എന്നും മൂന്ന് ചിത്രങ്ങളില്‍ കരാറൊപ്പിട്ടു ഉണ്ടെന്നു താരം അറിയിച്ചിട്ടുണ്ട്. അതേസമയം, കാലമിത്ര കഴിഞ്ഞിട്ടും സൗന്ദര്യത്തിന് ഒരു മങ്ങലും സംഭവിക്കാത്തതിന്റെ രഹസ്യവും നടി തുറന്ന് പറഞ്ഞിരിക്കുകയാണ്. ഒരു സിനിമാ ഷൂട്ടിംഗിന്റെ സമയത്ത് ഒരു കഥാപാത്രത്തിനുവേണ്ടി കുറച്ചു വണ്ണം കൂട്ടേണ്ടി വന്നിരുന്നു, അതിനുശേഷമാണ് നാച്ചുറോപ്പതി സെന്റര്‍നെ കുറിച്ച് അറിയുന്നതും ചികിത്സതേടി സ്ലിം ആവുന്നതും. നടി ലെനെയാണ് തനിക്ക് സെന്ററിനെ കുറിച്ച് പറഞ്ഞു തന്നത് എന്നും മായ കൂട്ടിച്ചേര്‍ക്കുന്നു.
