സൈജു കുറുപ്പ് പ്രധാന വേഷത്തിലെത്തുന്ന കോമഡി എന്റര്‍ടെയ്‌നറാണ് ‘പാപ്പച്ചന്‍ ഒളിവിലാണ്’ചിത്രം. സിന്റോ സണ്ണിയാണ് ചിത്രത്തിന്റെ തിരക്കഥ രചിച്ചിരിക്കുന്നത്. സിനിമയില്‍ മലയോര ഗ്രാമത്തിലെ സാധാരണക്കാരനായ ഒരു ലോറി ഡ്രൈവറായാണ് സൈജു കുറുപ്പ് എത്തുന്നത്. പാപ്പച്ചന്റെ വ്യക്തിജീവിതത്തില്‍ അരങ്ങേറുന്ന സംഘര്‍ഷഭരിതങ്ങളായ മുഹൂര്‍ത്തങ്ങളാണ് ചിത്രം പറയുന്നത്.
ചിത്രത്തിലെ പുതിയ ക്യാരക്ടര്‍ പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ചിത്രത്തിലെ അജു വര്‍ഗീസിന്റെ ക്യാരക്ടര്‍ പോസ്റ്ററാണ് പുറത്തുവന്നത്. മോനിച്ചന്‍ എന്ന കഥാപാത്രമായാണ് അജു വര്‍ഗീസ് ചിത്രത്തില്‍ എത്തുന്നത്.
ചിത്രത്തിന്റെ ടീസര്‍ കഴിഞ്ഞ ദിവസം പുറത്തിറങ്ങിയിരുന്നു. കോമഡിയ്ക്ക് പ്രാധാന്യം നല്‍കുന്ന ചിത്രമായിരിക്കും എന്നാണ് ടീസറില്‍ നിന്ന് വ്യക്തമാക്കുന്നത്.
ദര്‍ശന, ശ്രിന്ദ എന്നിവരാണ് ചിത്രത്തില്‍ നായികമാരാകുന്നത്. അജു വര്‍ഗീസ്, ജഗദീഷ്, ജോണി ആന്റണി, ശിവജി ഗുരുവായൂര്‍, കോട്ടയം നസീര്‍, ജോളി ചിറയത്ത്, വീണ നായര്‍ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളാവുന്നത്.
ബി.കെ.ഹരിനാരായണന്‍, സിന്റോ സണ്ണി എന്നിവരാണ് ഗാനത്തിന്റെ വരികളെഴുതിയിരിക്കുന്നത്. ഔസേപ്പച്ചനാണ് ഈണം പകരുന്നത്. എഡിറ്റിങ് രതിന്‍ രാധാകൃഷ്ണന്‍. കലാസംവിധാനം വിനോദ് പട്ടണക്കാടന്‍, കോസ്റ്റ്യൂം ഡിസൈന്‍ സുജിത് മട്ടന്നൂര്‍, മേക്കപ്പ് മനോജ് കിരണ്‍, ചീഫ് അസോഷ്യേറ്റ് ഡയറക്ടര്‍-ബോബി സത്യശീലന്‍, പ്രൊഡക്ഷന്‍-മാനേജര്‍ ലിബിന്‍ വര്‍ഗീസ്,സ്റ്റില്‍സ് അജീഷ് സുഗതന്‍, മാര്‍ക്കറ്റിങ് സ്‌നേക്ക്പ്ലാന്റ്. പ്രൊഡക്ഷന്‍ എക്‌സിക്യട്ടീവ് പ്രസാദ് നമ്പ്യാങ്കാവ്, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍, എന്നിവരാണ് മറ്റ് അണിയറയിലുള്ളവര്‍. കുട്ടമ്പുഴ, ഭൂതത്താന്‍കെട്ട്, നേര്യമംഗലം എന്നിവിടങ്ങളിലായിരുന്നു ചിത്രത്തിന്റെ ഷൂട്ടിംഗ്.
