മലയാള സിനിമ-സീരിയല് രംഗത്ത് സുപരിചിതമായ മുഖവും ശബ്ദവുമാണ് നടി പ്രവീണയുടേത്. ബാലതാരമായി സിനിമയിലേക്കെത്തി പിന്നീട് നിരവധി ശ്രദ്ധേയ റോളുകളില് താരം തിളങ്ങി. മലയാളത്തിലും അന്യഭാഷകളില് അഭിനയത്തില് സജീവയാണ് പ്രവീണ. ഭര്ത്താവും ഒരു മകളും അടങ്ങുന്നതാണ് താരത്തിന്റെ കുടുംബം. അഭിനയത്തിലും ഡബ്ബിങ്ങിലും സജീവമായ താരം ഏഷ്യാനെറ്റില് സംപ്രേക്ഷണം ചെയ്യുന്ന കസ്തൂരിമാന് സീരിയലില് മൂന്ന് പെണ്മക്കളുടെ അമ്മയായി എത്തിയിരുന്നു. ഇരുകയ്യും നീട്ടിയാണ് ആരാധകര് താരത്തെ കസ്തൂരിമാനില് ഏറ്റെടുത്തെത്.
എന്നാല് കഥാഗതിക്കനുസരിച്ച് സീരിയലില് നിന്നും പ്രവീണ അപ്രത്യക്ഷ ആവുകയായിരുന്നു. ക്ലാസ്സിക്കല് നൃത്തരംഗത്തും ഗായികയായും പ്രവീണ കഴിവ് തെളിയിച്ചിട്ടുണ്ട്. വിവാഹത്തിനുശേഷവും അഭിനയ രംഗത്ത് സജീവമായിരുന്ന പ്രവീണ ഇപ്പോള് ടെലിവിഷന് പരമ്ബരകളില് നിന്നും വിട്ടു നില്ക്കുകയാണ്. കുറച്ച് നാളുകൾക്ക് മുൻപ് പ്രവീണയുടെ പേരിൽ ഒരു വ്യാജ ഫേസ്ബുക്ക് അക്കൗണ്ട് തുടങ്ങുകയും അതിൽ പ്രവീണയുടെ ചിത്രങ്ങൾ എഡിറ്റ് ചെയ്ത് അശ്ളീല ചിത്രങ്ങൾ ആക്കി പോസ്റ്റ് ചെയ്യുകയും ചെയ്ത ഒരു സംഭവം ഉണ്ടായിരുന്നു. ഇതിൽ പ്രവീണയുടെ പരാതിയെ തുടർന്ന് പോലീസ് ഈ പ്രതിയെ കണ്ടെത്തിയിരുന്നു. ഇപ്പോൾ ഈ വിഷയത്തിൽ വീണ്ടും പ്രതികരണവുമായി എത്തിയിരിക്കുകയാണ് പ്രവീണ.
തമിഴ് നാട്ടിലുള്ള ഒരു പയ്യൻ ആണ് ഇതിനു പിന്നിൽ എന്നും അവനു 23 വയസ്സ് മാത്രമേ ഉള്ളു എന്നും അവന്റെ അമ്മയെ പോലെയാണ് ഞാൻ. ഇപ്പോഴും അവനോട് വിളിച്ച് സംസാരിച്ച് കൊണ്ടിരിക്കണം. ആദ്യം എനിക്ക് മാത്രമേ ഉപദ്രവം ഉണ്ടായിരുന്നു. എന്നാൽ ഇപ്പോൾ എന്റെ മകളെയും അവൻ ഉപദ്രവിക്കാൻ തുടങ്ങി. അവളുടെയും കൂട്ടുകാരുടെയും ചിത്രങ്ങളും അവൻ മോർഫ് ചെയ്തു പ്രചരിപ്പിക്കാൻ തുടങ്ങി. അവനിൽ നിന്ന് എങ്ങനെ രക്ഷപ്പെടണം എന്ന് എനിക്ക് അറിയില്ല. എന്റെ കുടുംബക്കാരെയും അവൻ വെറുതെ വിടുന്നില്ല എന്നുമാണ് പ്രവീണ പറയുന്നത്.