കഴിഞ്ഞ ദിവസമായിരുന്നു അനശ്വരകാലാകാരൻ നേടിമുടി വേണു ഈ ലോകത്ത് നിന്നും വിടവാങ്ങിയത്. താരത്തിന്റെ അകലവിയോഗത്തിൽ ചലച്ചിത്രലോകവും ആരാധകരും ഒന്നടങ്കം ദുഃഖത്തിലാണ്. ഇന്നിപ്പോൾ താരത്തെ കുറിച്ചുള്ള വാർത്തകളും ഓർമ്മകളും കൊണ്ട് നിറയുകയാണ് പത്രമാധ്യമങ്ങളും സോഷ്യൽ മീഡിയയും. അത്തരത്തിൽ നിർമ്മാതാവ് രഞ്ജിത്ത് നെടുമുടി വേണുവിനെ കുറിച്ച് പറഞ്ഞ കാര്യങ്ങൾ വൈറൽ ആയി മാറിയിരിയ്ക്കുകയാണ്. നേടിമുടി വേണുവിന്റെ രോഗത്തെ കുറിച്ചും മറ്റുമാണ് അദ്ദേഹം പറയുന്നത്. 
‘‘പത്തു ദിവസം മുമ്പാണ് ഞങ്ങൾ തമ്മിൽ അവസാനം സംസാരിച്ചത്. അദ്ദേത്തിന്റെ അസുഖത്തെക്കുറിച്ച് ഞങ്ങൾ സുഹൃത്തുക്കൾക്കെല്ലാം അറിയാമായിരുന്നു. ലിവറിൽ കാൻസറായിരുന്നു. അതിന്റെ ചികിത്സകൾ നടക്കുന്നുണ്ടായിരുന്നു. അഞ്ച് വർഷമായി രോഗം അറിഞ്ഞിട്ട്. തുടക്കത്തിൽ തന്നെ ചികിത്സിച്ച്, പിന്നീട് കുഴപ്പങ്ങളില്ലായിരുന്നു. ചെറിയ അസ്വസ്ഥതകളുണ്ടായിരുന്നെങ്കിലും അഭിനയവും കുടുംബ ജീവിതവുമൊക്കെയായി അദ്ദേഹം അതിനെ മറികടക്കുകയായിരുന്നു. അങ്ങനെ പൊക്കൊണ്ടിരിക്കെയാണ് അസുഖം വീണ്ടും കൂടിയത്. ശരീരം ഡൗൺ ആയി. സ്ട്രെയിൻ കൂടി.
‘പുഴു’ എന്ന സിനിമയില്‍ അഭിനയിച്ചു വന്ന ശേഷമാണ് ആശുപത്രിയില്‍ പ്രവേശിപ്പിച്ചത്.ഞങ്ങൾ സംസാരിക്കുമ്പോഴൊന്നും രോഗത്തെക്കുറിച്ച് അദ്ദേഹത്തിന് ആവലാതികളോ നിരാശകളോ ഉണ്ടായിരുന്നില്ല. തന്റെ കർമ്മങ്ങളിൽ വ്യാപൃതനായി മുന്നോട്ടു പോകുകയായിരുന്നു. എല്ലാക്കാര്യങ്ങളിലും സജീവമായിരുന്നു’. എന്നായിരുന്നു അദ്ദേഹത്തിന്റെ വാക്കുകൾ. കഴിഞ്ഞ ദിവസം ആരോഗ്യനില ഗുരുതരമായതോടെ ആശുപത്രിയിൽ പ്രവേശിപ്പിച്ച നെടുമുടി വേണു കുറച്ച് മണിക്കൂറുകൾക്കുള്ളിൽ തന്നെ മരണത്തിനു കീഴടങ്ങുകയായിരുന്നു. 
