ഒരു റിട്ടയർഡ് ടീച്ചർ തൻ്റെ വാർദ്ധക്യത്തിൽ ഒരു സിനിമയിലെ നായിക തുല്യ കഥാപാത്രം ചെയ്യുന്നു. നായക കഥാപാത്രം ആവുന്നത് ചാരുഹാസനും. വർഷങ്ങളോളം സിനിമാ സെറ്റുകളിൽ ചിലവഴിച്ച ഒരു വ്യക്തിയായിരുന്നു ഇവർ എന്നത് കൗതുകകരം. അവർ സെറ്റിൽ എങ്ങിനെയെത്തി എന്നത് പിന്നീട് പറയാം…! ഈ ചിത്രത്തിനും 3 വർഷങ്ങൾക്കു മുമ്പേ നമ്മൾ “ഇതു നല്ലായില്ലെ….!” എന്ന കിടിലൻ ഡയലോഗുമായി ഒരു പാട്ടി നമ്മുടെയെല്ലാം ശ്രദ്ധ ആകർശിച്ചിരുന്നു… 2016ൽ … ഓർക്കുന്നുണ്ടോ? പിന്നീട് നമ്മൾ കണ്ടത് 2018 ൽ കാർത്തി നായകനായ സിനിമയിൽ ഭാനുപ്രീയയുടെ അമ്മ കഥാപാത്രമായാണ്. 1981ൽ ഇവർ ഒരു മലയാള സിനിമയിൽ ഒരു മിന്നി മറഞ്ഞ വേഷത്തിൽ അഭിനയിച്ചിരുന്നു.
അതാവണം സരോജ എന്ന ഈ നടിയുടെ സിനിമാ അരങ്ങേറ്റം. ഇനി ഇവർ വർഷങ്ങളോളം സിനിമാ സെറ്റുകളിൽ ചിലവഴിച്ച കഥ പറയാം. 1981ൽ ഇവർ മലയാള സിനിമയിൽ ഇവർ അഭിനയിച്ച കാര്യം പറഞ്ഞുവല്ലോ, ആ ചിത്രമാണ് ഓപ്പോൾ. സരോജ അമ്മയുടെ മകൾ ആയിരുന്നു ആ ചിത്രത്തിലെ നായിക….!! പത്മാവതി എന്ന മേനക എന്ന മേനക സുരേഷ്കുമാറിൻ്റെ അമ്മ സരോജ എന്ന റിട്ടയർഡ് ഇംഗ്ലീഷ് പ്രൊഫസർ ആണ് ചാരുഹാസന്റെ നായികയായത് അതും തൻ്റെ 80-ആം വയസ്സിൽ . ചിത്രം : Dha dha 87 ( 2019) ഇതു നല്ലായില്ലെ….! എന്ന ഡയലോഗുമായി 2016 ൽ സരോജ പാട്ടി അഭിനയിച്ചത് Remo എന്ന ചിത്രത്തിൽ ആയിരുന്നു. സ്വന്തം പേരക്കുട്ടി കീർത്തി സുരേഷിൻ്റെ അമ്മൂമ്മ കഥാപാത്രമായി തന്നെ…! Kadakutty Singham (2018 ) എന്ന ചിത്രത്തിലാണ് ഭാനുപ്രീയയുടെ അമ്മ കഥാപാത്രമായത് സരോജ പാട്ടി..!