ബോളിവുഡിന്റെ കിങ് ഖാനാണ് ഷാരൂഖ് ഖാന്‍. ഈ വര്‍ഷത്തെ ബോളിവുഡ് ബ്ലോക് ബസ്റ്ററുകളെല്ലാം കിങ് ഖാന്റേതായിരുന്നു. നീണ്ട ഇടവേളയ്ക്ക് ശേഷമുള്ള തിരിച്ചുവരവ് തന്നെ മാസ്സായിരുന്നു. ഇപ്പോഴിതാ പുതിയ ചിത്രം ഡങ്കി തിയ്യേറ്ററിലെത്തുന്നതിന് മുന്‍പ് ക്ഷേത്ര ദര്‍ശനം നടത്തിയിരിക്കുകയാണ് താരം.
മകള്‍ സുഹാനയ്‌ക്കൊപ്പമാണ് ഷാരൂഖ് ഖാന്‍ ഷിര്‍ദ്ദി സായി ബാബ ക്ഷേത്രത്തിലെത്തിയത്. ദുന്‍കിയുടെ റിലീസിന് തൊട്ട് മുന്‍പാണ് ഷാരൂഖ് ഖാന്‍ വ്യാഴാഴ്ച ഷിര്‍ദ്ദി ക്ഷേത്രത്തില്‍ എത്തിയത്. ഷാരൂഖ് ഖാന്റെ മാനേജര്‍ പൂജ ദഡ് ലാനിയും ഒപ്പമുണ്ടായിരുന്നു. ഈ വീഡിയോയാണ് സമൂഹമാധ്യമങ്ങളില്‍ വൈറലാകുന്നത്. ഷിര്‍ദ്ദിയിലെ പൂജാരിമാരുടെ നിര്‍ദേശപ്രകാരം സാഷ്ടാംഗം നമസ്‌കരിക്കുന്ന ഷാരൂഖാണ് വീഡിയോയിലുള്ളത്.
വെള്ള ടീ ഷര്‍ട്ടും ഡെനിമും ജാക്കറ്റും ധരിച്ചാണ് ഷാരുഖ് എത്തിയത്. സുഹാന പച്ച സ്യൂട്ടും അതിന് ചേരുന്ന ദുപ്പട്ടയും ധരിച്ചിരുന്നു. ഡിസംബര്‍ 21നാണ് ഡങ്കി തിയേറ്ററുകളില്‍ എത്തുന്നത്. ബൊമന്‍ ഇറാനി, തപ്സി പന്നു, വിക്കി കൗശല്‍, വിക്രം കൊച്ചാര്‍, അനില്‍ ഗ്രോവര്‍ എന്നിവരാണ് മറ്റ് പ്രധാന കഥാപാത്രങ്ങളാവുന്നത്.