നിരവധി വിമർശനങ്ങൾ പലപ്പോഴും കേൾക്കേണ്ടി വന്നിട്ടുള്ള, പല വിവാദങ്ങളിലും പെട്ടിട്ടുള്ള നടനാണ് ഷൈൻ ടോം ചാക്കോ.താരത്തിന്റെ ഇന്റർവ്യൂകളും പെരുമാറ്റ രീതികളും ഒക്കെ തന്നെ വിമർശനങ്ങൾക്ക് ഇടയുണ്ടാക്കി. ഒരേ സമയം ആരാധകരേയും വിമർശകരേയും ഒരുപോലെ സമ്പാദിച്ച താരം കൂടിയാണ് ഷൈൻ. പലപ്പോഴും ഷൈനിനെ ആളുകൾ മയക്ക് മരുന്ന് കേസുമായി ബന്ധപ്പെട്ട് വിമർശിക്കാറുണ്ട്. ഇപ്പോൾ മയക്കുമരുന്ന് കേസുമായി ബന്ധപ്പെട്ട് തന്നെ വിമർശിക്കുന്നവർക്ക് മറുപടി നൽകിയിരിക്കുകയാണ്
ഷൈൻ ടോം ചാക്കോ. ‘‘ഒരാൾ കുറ്റം ചെയ്താൽ അയാള്‍ നന്നാകുന്നതിനു വേണ്ടിയല്ലേ ജയിൽ ശിക്ഷ കൊടുക്കുന്നത്. ശിക്ഷ കഴിഞ്ഞ് നന്നാകുമ്പോൾ പറയും, ഇവനൊക്കെ എന്തിനാ നന്നായേന്ന്. അങ്ങനെയുള്ള ആളുകൾ നിയമം കൈകാര്യം ചെയ്യുന്ന നാട്ടിൽ എങ്ങനെയാണ് കുറ്റകൃത്യങ്ങൾ കുറയുന്നതു എന്നാണ് ഷൈൻ ടോം ചോദിക്കുന്നു. ‘ഒപ്പീസ്’ എന്ന പുതിയ സിനിമയുമായി ബന്ധപ്പെട്ട ചടങ്ങിൽ സംസാരിക്കുകയായിരുന്നു ഷൈൻ ടോം ചാക്കോ. വിമർശകർക്കുള്ള മറുപടിയും ഷൈൻ നൽകുന്നുണ്ട്. ‘
നിങ്ങൾ ഓരോരുത്തരും ഓരോ സിനിമകൾ കഴിയുമ്പോഴും പ്രോത്സാഹനം തരാറുണ്ട്. ഒരു നടന് അഹങ്കരിക്കാവുന്ന എല്ലാ രീതിയിലും ഒരു വ്യക്തി അഹങ്കരിക്കാവുന്ന രീതിയിലുമുള്ള ഒരുപാട് ആട്ടങ്ങൾ ഞാൻ നിങ്ങളുടെ മുന്നിൽ ആടി. അത് കുറച്ചുപേർക്ക് ഇഷ്ടപ്പെട്ടു, കുറച്ച പേർക്ക് ഇഷ്ടപ്പെട്ടില്ല. അതിൽ അഭിപ്രായ വ്യത്യാസങ്ങൾ ഇപ്പോഴുമുള്ളവരുണ്ട് എന്ന് ഷൈൻ പറയുന്നു. താൻ എന്തൊക്കെയോ അടിച്ചതു കൊണ്ടും അടിക്കാത്തതുകൊണ്ടുമൊക്കെയാണ് ഇതെന്നാണ് പലരും പറയുന്നത്. ആളുകൾതന്റെ അഭിമുഖം കണ്ടും പറയാറുണ്ട്, ഷൈൻ ടോം ചാക്കോ ഒരുപാട് മാറിയെന്ന്.അപ്പോൾ മുൻപ് താൻ ഒരിക്കൽ പിടിക്കപ്പെട്ടത് അടിക്കാത്തതുകൊണ്ടാണ്, അടിക്കാതിരുന്ന കാലത്താണെന്ന് സമ്മതിച്ചിട്ടുണ്ടല്ലേ. ഇപ്പോഴാണ് അടിക്കുന്നുള്ളൂ. അടിക്കാത്ത ഒരാെള പിടിച്ചൊരു കൂട്ടിലാക്കി, അടിക്കുന്നവനാക്കി തീർത്തു. അതിനാര് ഉത്തരവാദിത്തം പറയുമെന്നും ഈ പറയുന്ന നിയമങ്ങളും നിയമപീഠങ്ങളും അതിനൊരുത്തരം തരുമോ എന്നും . ഇവിടെ അകത്തുകിടക്കുന്നവരും പുറത്തുകിടക്കുന്നവരിൽ അധികവും ഇതുമായി ബന്ധപ്പെടാത്തവരും നിരപരാധികളുമാണ് എന്നും ഷൈൻ ടോം ചാക്കോ പറയുന്നു.ഒരിക്കൽ ജയിലിന്റെ അകത്തുകിടന്ന് പുറത്തുവന്നു കഴിഞ്ഞാൽ പിന്നെ അവന് ഒരിക്കലും നേരെയാകാനുള്ള അവസരം പോലും സമൂഹം കൊടുക്കില്ല എന്നും ഷൈൻ ടോം പറയുന്നു. ഒരു ഐപിഎസുകാരൻ പറഞ്ഞ കാര്യത്തെപ്പറ്റിയും ഷൈൻ ടോം സംസാരിച്ചു. ‘‘ഇവനൊക്കെയാണോ സിനിമയിൽ വലിയ ആള്, പണ്ട് കൊക്കെയ്ൻ കേസിൽ പിടിക്കപ്പെട്ടവനല്ലേ? എന്നായിരുന്നു ആ ഐപിഎസുകാരൻ പറഞ്ഞത്. പണ്ട് കൊക്കെയ്ൻ കേസിൽ പിടിക്കപ്പെട്ട്, ശിക്ഷ അനുഭവിച്ച് പുറത്തുവന്ന ആൾ നല്ലതാകുന്നത് സമൂഹത്തിന് കാണാൻ പറ്റാത്ത അവസ്ഥ. ഒരാൾ കുറ്റം ചെയ്താൽ അയാള്‍ നന്നാകുന്നതിനു വേണ്ടിയല്ലേ ജയിൽ ശിക്ഷ കൊടുക്കുന്നത്.
അപ്പോൾ നന്നാകുമ്പോൾ പറയും, ഇവനൊക്കെ എന്തിനാ നന്നായേന്ന്. അങ്ങനെയുള്ള ആളുകൾ നിയമം കൈകാര്യം ചെയ്യുന്ന നാട്ടിൽ എങ്ങനെയാണ് കുറ്റകൃത്യങ്ങൾ കുറയുന്നത് എന്ന് ഷൈൻ ടോം ചാക്കോ പ്രതികരിച്ചു. താൻ ഇതൊക്കെ വെറുതെ തമാശയ്ക്കു പറയുന്നതാണ് എന്നും കൂട്ടിച്ചേർത്തു. മലയാള സിനിമയിലെ യുവ താരങ്ങളിൽ ശ്രദ്ധേയനാണ് ഷൈൻ ടോം ചാക്കോ . പുറത്തിറങ്ങിയ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്ത് ഷൈൻ കയ്യടി നേടിയിരുന്നു. കഥാപാത്രങ്ങൾ പോലെ തന്നെ ഷൈനിന്റെ അഭിമുഖങ്ങളും സോഷ്യൽ മീഡിയയിൽ വൈറലാകാറുണ്ട്. സംസാരം കൊണ്ടും തന്റെ പെരുമാറ്റ രീതികൾ കൊണ്ടും ഷൈൻ വിവാദങ്ങളിൽ ഇടംപിടിക്കാറുണ്ട്. ഡാൻസ് പാർട്ടി ആണ് ഷൈനിന്റേതായി ഒടുവിൽ പുറത്തിറങ്ങിയ മലയാള ചിത്രം. ജിഗർത്തണ്ട ഡബിൾ എക്സ് ആണ് ഷൈൻ ടോം ചാക്കോ അഭിനയിഹ അവസാനംറിലീസ് ആയ തമിഴ ചിത്രം.
