സ്ഫടികം സിനിമ റീമാസ്റ്ററിംഗ് ചെയ്ത് പുറത്തിറക്കും എന്ന വിവരം സംവിധായകന് തന്നെ അറിയിച്ചതോടെ സിനിമയ്ക്കായി ആരാധകര് കാത്തിരിക്കുകയാണ്. സിനിമയുമായി ബന്ധപ്പെട്ട് പുറത്ത് വരുന്ന ഓരോ പുതിയ വിശേഷങ്ങളും സോഷ്യല് മീഡിയയില് ശ്രദ്ധ നേടുന്നുണ്ട്. ഇപ്പോഴിതാ ചിത്രത്തിന്റെ ഏറ്റവും പുതിയ അപ്ഡേറ്റാണ് സംവിധായകന് ഭദ്രന് പുറത്ത് വിട്ടിരിക്കുന്നത്. സിനിമയുടെ 4 കെ അറ്റ്മോസ് ഫൈനല് മിക്സിങ്ങ് പൂര്ത്തിയാക്കിയ വിവരമാണ് അദ്ദേഹം ഫേസ്ബുക്ക് വഴി എല്ലാവരുമായി പങ്കുവെയ്ക്കുന്നത്.
ആടുതോമയ്ക്ക് സര്വ്വമാന ‘പത്രാസോടെ’ dolby 4k atmos final mix പൂര്ത്തിയായിരിക്കുന്നു ……ആടുതോമയെ സ്നേഹിച്ച നിങ്ങള് ഓരോരുത്തരുമാണ് കണ്ടെത്തേണ്ടത് , ഇതിലെ ഓരോ ‘wow factors – ‘ എന്നാണ് അദ്ദേഹം കുറിച്ചത്.. ഇതോടൊപ്പം അണിയറ പ്രവര്ത്തകര്ക്കൊപ്പം നില്ക്കുന്ന ഫോട്ടോയും സംവിധായകന് പങ്കുവെച്ചിട്ടുണ്ട്. സ്ഫടികത്തിന്റെ 24ാം വാര്ഷിക വേളയിലായിരുന്നു സംവിധായകന് ഭദ്രന് ചിത്രം പുതിയ സാങ്കേതിക മികവില് എത്തുന്നുവെന്ന് അറിയിച്ചത്. സിനിമയ്ക്ക്് വേണ്ടിയുള്ള പുതിയ വര്ക്കുകളെല്ലാം പൂര്ത്തിയാക്കി എത്രയും വേഗം തന്നെ ചിത്രം പ്രേക്ഷകരിലേക്ക് എത്തുമെന്നാണ് പ്രതീക്ഷിക്കുന്നത്.
സ്ഫടികം സിനിമയുടെ രണ്ടാം ഭാഗം എത്തുന്നു എന്ന തരത്തിലായിരുന്നു വാര്ത്തകള് മുന്പ് പ്രചരിച്ചിരുന്നത്. എന്നാല് പിന്നീടാണ് സംവിധായകന് സിനിമയെ കുറിച്ചുള്ള യഥാര്ത്ഥ്യം പുറത്ത് വിട്ടത്. 4 കെ ശബ്ദ ദ്രശ്യ വിസ്മയങ്ങളോടെ തിയറ്ററുകളില്
സ്ഫടികം പ്രദര്ശനത്തിന് എത്തിക്കുമെന്ന് ഭദ്രന് അറിയിക്കുകയായിരുന്നു. മലയാളി ഇത്രയേറെ ആഘോഷമാക്കിയ വേറെ ഒരു സിനിമയും നായകനും ഉണ്ടോ.. ഈ ചിത്രത്തിന് വേണ്ടി കാത്തിരിക്കുന്നു എന്നാണ് സ്ഫടികത്തിന്റെ റീമാസ്റ്ററിംഗ് വേര്ഷന് കാത്തിരിക്കുന്ന ആരാധകര് പറയുന്നത്.