മലയാളി താരം അനുപമ പരമേശ്വരൻ നായികയായി തെലുങ്ക് ചിത്രം ടില്ലു സ്ക്വയർ 100 കോടി ക്ലബിൽ. മാർച്ച് 29ന് റിലീസ് ചെയ്ത ചിത്രം വെറും 10 ദിവസം കൊണ്ടാണ് കളക്ഷനിലെ മാന്ത്രിക സംഖ്യയും കടന്ന് കുതിച്ചത്. സിദ്ധു ജൊന്നലഗഡ്ഡ നായകനായ ചിത്രം സംവിധാനം ചെയ്തിരിക്കുന്നത് മാലിക് റാം ആണ്. ചിത്രത്തിൻറെ സഹരചനയും സിദ്ധു ജൊന്നലഗഡ്ഡയാണ് നിർവ്വഹിച്ചിരിക്കുന്നത്.
സിതാര എൻറർടെയ്ൻ‍മെൻറ്സ്, ഫോർച്യൂൺ ഫോർ സിനിമാസ് എന്നീ ബാനറുകളിൽ സൂര്യദേവര നാഗ വംശി, സായ് സൗജന്യ എന്നിവരാണ് നിർമ്മാണം. അതീവ ഗ്ലാമറസ്സായിട്ടാണ് അനുപമ പരമേശ്വരൻ ചിത്രത്തിൽ എത്തിയത്. നായകൻ സിദ്ധു സൊന്നലഗട്ടയുമായിട്ടുള്ള ഇന്റിമേറ്റ് രംഗങ്ങൾ സോഷ്യൽ മീഡിയയിൽ വൈറലായി മാറിയിരുന്നു. 40 കോടിയാണ് സിനിമയുടെ ബജറ്റ്.
അനുപമയുടെ ഏറ്റവും ഗ്ലാമറസ്സായ വേഷമാകും ഈ ചിത്രത്തിലേത്. കോടികളാണ് നടി പ്രതിഫലമായി ചിത്രത്തിനായി വാങ്ങിയതും. 2022 ൽ പുറത്തിറങ്ങി ക്രൈം കോമഡി ചിത്രം ഡിജെ ടില്ലുവിന്റെ തുടർഭാഗമാണ് ഈ സിനിമ. മുരളീധർ ഗൗഡ്, സിവിഎൽ നരസിംഹ റാവു, മുരളി ശർമ്മ, പ്രണീത് റെഡ്ഡി കല്ലെം, രാജ് തിരണ്ഡസു തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
