പ്രേക്ഷകർക്ക് ഏറെ പ്രിയപ്പെട്ട താര കുടുംബമാണ് കൃഷ്ണകുമാറിന്റേത്, കൃഷ്ണകുമാറും മക്കളും എല്ലാം സോഷ്യൽ മീഡിയയിൽ ഏറെ സജീവമാണ്. അതുകൊണ്ട് തന്നെ ഇവരുടെ കുടുംബ വിശേഷങ്ങൾ എല്ലാം തന്നെ പെട്ടെന്ന് ശ്രദ്ധിക്കപ്പെടാറുണ്ട്. കൃഷ്ണകുമാറിന്റെ മൂത്ത മകൾ അഹാന സിനിമയിൽ എത്തിയ ശേഷമാണ് താരത്തിന്റെ മറ്റു മക്കളും ശ്രദ്ധിക്കപ്പെടാൻ തുടങ്ങിയത്, 2014 ല്‍ രാജീവ് രവി ചിത്രം ഞാന്‍ സ്റ്റീവ് ലോപ്പസിലൂടെയായിരുന്നു അഹാന സിനിമയിലെത്തുന്നത്.ഇപ്പോൾ സിനിമയിലെ പ്രമുഖ നടിമാരിൽ ഒരാളാണ് താരം, ക്വാറന്റൈന്‍ സമയത്ത് അഹാനയുടെ വീട്ടിലെ വിശേഷങ്ങൾ എല്ലാം സോഷ്യൽ മീഡിയയിൽ ഏറെ ശ്രദ്ധിക്കപ്പെട്ടിരുന്നു, പാട്ടുപാടുന്നതും ഡാന്‍സ് കളിക്കുന്നതും, വര്‍ക്കൗട്ട് ചെയ്യുന്നതുമായ വീഡിയോകള്‍ ഇവർ സോഷ്യൽ മീഡിയിൽ പങ്കുവെച്ചിരുന്നു, ഇവയെല്ലാം വളരെ പെട്ടെന്ന് തന്നെ ശ്രദ്ധിക്കപ്പെടുകയും ചെയ്തു. മക്കള്‍ക്കൊപ്പം നടന്‍ കൃഷ്ണകുമാറും കൂടാറുണ്ട്. എന്നാല്‍ അമ്മ സിന്ധു എന്നും ക്യാമറയ്ക്ക് പിന്നിലായിരിക്കും.
സോഷ്യൽ മീഡിയയിൽ വളരെ സജീവമാണ താരം, അഹാന പങ്കുവെക്കുന്ന പോസ്റ്റുകൾ എല്ലാം തന്നെ അതുകൊണ്ട് ഏറെ ശ്രദ്ധ നേടാറുണ്ട്, ഇപ്പോഴിതാ തൻറെ ഒരാആഗ്രഹം പങ്കുവെക്കുകയാണ് അഹാന. ഇൻസ്റ്റയിലൂടെ ചിത്രങ്ങൾ പോസ്റ്റ് ചെയ്താണ് താരം ആഗ്രഹം പങ്കുവച്ചത്. തൂവെള്ള നിറത്തിലുള്ള വസ്ത്രമണിഞ്ഞ് ആണ് താരം ചിത്രത്തിൽ. ചില ദിവസങ്ങളിൽ ഒരു അപ്പൂപ്പൻ താടിയെ പോലെ പറന്നുയരാനും ഒഴുകി നടക്കാനും ഞാൻ ആഗ്രഹിക്കുന്നു എന്നാണ് അഹാന കുറിച്ചിരിക്കുന്നത്.
കഴിഞ്ഞദിവസം യുകുലേലെ എന്ന സംഗീത ഉപകരണം വായിക്കുന്ന ഒരു വീഡിയോ താരം പങ്കു വച്ചിരിക്കുന്നു. വിജയ് ചിത്രമായ മാസ്റ്ററിലെ ലെട് മീ ടെൽ യു എ കുട്ടി സ്റ്റോറി എന്ന ഗാനമാണ് അഹാന അതുപയോഗിച്ച് പാടിയത്. താൻ യുകുലെലെ പഠിക്കുകയാണ് ഇപ്പോൾ എന്നും താരം കുറിച്ചിരിക്കുന്നു. താരത്തിൻ്റെ ഒരു സുഹൃത്ത് സമ്മാനിച്ചതാണ് ഈ ഉപകരണം.അടുത്തിടെ അഹാനക്കും സഹോദരിമാർക്കും യൂട്യൂബ് സിൽവർ ബട്ടൺ ലഭിച്ചിരുന്നു, ഒരു കുടുംബത്തിലേക്ക് നാലു സിൽവർ ബട്ടൺ ഇതാദ്യമായിട്ടാണ് കിട്ടുന്നത് എന്ന് പറഞ്ഞാണ് അഹാനയും സഹോദരിമാരും എത്തിയിരുന്നത്.
