മലയാളി സിനിമാ പ്രേമികളുടെ എക്കാലത്തേയും പ്രിയപ്പെട്ട കോംബിനേഷന് ആണ് മോഹന്ലാല് – ഷാജി കൈലാസ് കൂട്ടുകെട്ട്. വര്ഷങ്ങള്ക്കിപ്പുറം ഈ കോംബോയില് പിറന്ന മലയാള സിനിമയാണ് എലോണ്. മോഹന്ലാലിനെ കേന്ദ്ര കഥാപാത്രമാക്കി ഒരുക്കിയ ഈ സിനിമ ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മ്മിച്ചത്.
അതിനുള്ള വ്യക്തമായ കാരണവും ഷാജി കൈലാസ് ഈ സിനിമയെ കുറിച്ച് പറയുന്നുണ്ട്. എലോണ് എന്ന സിനിമ ഫ്രെയിം ടു ഫ്രെയിം മോഹന്ലാല് മാത്രമാണെന്നാണ് ഇപ്പോള് സംവിധായകന് ഷാജി കൈലാസ് വെളിപ്പെടുത്തിയിരിക്കുന്നത്. കൊവിഡ് സമയത്ത് ഒരു ഫ്ളാറ്റിന് അകത്ത് തന്നെ ചിത്രീകരിച്ച സിനിമയാണ് എലോണ്. രണ്ട് മണിക്കൂറും അഞ്ച് മിനിറ്റുമുള്ള ഈ സിനിമ ഫ്രെയിം ടു ഫ്രെയിം മോഹന്ലാല് മാത്രമാണ്.. അതുകൊണ്ട് തന്നെ
തീയറ്ററില് ഇറക്കിയാല് ഈ സിനിമ ലാഗ് ആണെന്ന് പ്രേക്ഷകര് പറയും.. ഇത് വേറൊരു മൂഡില് പോകുന്ന സിനിമയാണ്… അതുകൊണ്ട് തന്നെ ഒടിടി തന്നെ ആണ് ഈ സിനിമയ്ക്ക് ഉചിതം എന്നാണ് അദ്ദേഹം പറഞ്ഞു വെയ്ക്കുന്നത്. അതേസമയം, നീണ്ട പന്ത്രണ്ട് വര്ഷത്തെ ഇടവേളയ്ക്ക് ശേഷം മോഹന്ലാല്-ഷാജി കൈലാസ് കൂട്ടുകെട്ട് എലോണ് എന്ന സിനിമയിലൂടെ വീണ്ടും കൈ കോര്ക്കുമ്പോള് സിനിമയ്ക്കായി ആരാധകര് പ്രതീക്ഷയോടെ കാത്തിരിക്കുകയാണ്.