സ്റ്റേജ് ഷോയും പാട്ടും മേളവുമായി സ്വിറ്റ്സർലൻഡിൽ ആഘോഷിച്ച് സംഗീതസംവിധായകൻ ഗോപി സുന്ദർ. ചിത്രങ്ങളും വീഡിയോകളും ഗോപി സുന്ദർ സാമൂഹ്യ മാധ്യമങ്ങളിൽ പങ്കുവെച്ചിട്ടുണ്ട്. സഹഗായിക പുണ്യ പ്രദീപിനൊപ്പമുള്ള ചിത്രങ്ങളാണ് ഗോപി ഏറ്റവുമൊടുവിൽ പങ്കുവെച്ചത്. മലയാളത്തിൽ ശ്രദ്ധേയമായ റിയാലിറ്റി ഷോയിലൂടെ സംഗീത ലോകത്ത് എത്തിയ ഗായികയാണ് പുണ്യ. ഗോപി സുന്ദറിനൊപ്പം നേരത്തെയും പുണ്യ സ്റ്റേജ് ഷോകളിൽ പങ്കെടുത്തിട്ടുണ്ട്.
View this post on Instagram
ഇരുവരും ഒരുമിച്ച് വേദിയിൽ ‘മേൽ മേൽ മേൽ വിണ്ണിലെ’ എന്ന ഗാനം ആലപിക്കുന്നതിന്റെ വീഡിയോ വൈറലായിരുന്നു. ഗോപി സുന്ദർ ഈണിമിട്ട ഗാനമാണിത്. ‘ലവ് യു സ്വിറ്റ്സർലൻഡ്’ എന്ന അടിക്കുറിപ്പോടെയാണ് ഗോപി സുന്ദർ ചിത്രങ്ങൾ പങ്കുവെച്ചത്. നിരവധി പേർ കമന്റുകളുമായി എത്തുകയും ചെയ്തു. സ്വിറ്റ്സർലൻഡ് യാത്രയുടെ നിരവധി ചിത്രങ്ങളും വീഡിയോകളും ഗോപി സുന്ദർ നേരത്തേയും പങ്കുവച്ചിരുന്നു. സഹപ്രവർത്തകർക്കൊപ്പമുള്ള രസകരമായ വീഡിയോയും വൈറലായി മാറിയിരുന്നു.
