ചാനലുകളിലെ കുക്കറി ഷോകളിലൂടെ പ്രിയങ്കരിയായി മാറിയ ആളാണ് ലക്ഷ്മി നായർ. അധ്യാപിക കൂടിയായ ലക്ഷ്മി ഇപ്പോൾ യൂട്യൂബ് വീഡിയോകളിലൂടെയും നിറഞ്ഞു നിൽക്കുകയാണ്. തന്റെ കുടുംബ വിശേഷങ്ങളും ലക്ഷ്മി നായർ സോഷ്യൽ മീഡിയകളിലൂടെ പങ്കുവയ്ക്കാറുണ്ട്. ഇപ്പോൾ ലക്ഷ്മി നായർ മകൻ വിഷ്ണുവിന് പിറന്നാൾ ആശംസകൾ നേർന്നത് പ്രേക്ഷകരുടെ ഹൃദയത്തെയും സ്പർശിച്ചു. ‘എത്ര ജന്മദിനങ്ങൾ കടന്നു പോയാലും നീ എന്റെ ചെല്ലക്കുട്ടി തന്നെയാണ്’ എന്നായിരുന്നു ലക്ഷ്മി മകനൊപ്പമുള്ള ചിത്രത്തോടൊപ്പം കുറിച്ചത്.
മകന്റെ കുഞ്ഞിന്റെ വിശേഷങ്ങളും ലക്ഷ്മി യൂട്യൂബിലൂടെയും ഇൻസ്റ്റഗ്രാമിലൂടെയും പോസ്റ്റ് ചെയ്യാറുണ്ട്. അമ്മൂമ്മയായി ജീവിക്കുക എന്നത് ഒരു സാഹസികം തന്നെയാണെന്നാണ് ലക്ഷ്മി നായർ കഴിഞ്ഞ ദിവസം പറഞ്ഞത്. കുഞ്ഞിനെ മാറോട് ചേർത്ത് എടുത്ത് ആശുപത്രിയിലേക്കൊക്കെ പോകുന്ന ചിത്രങ്ങളും ലക്ഷ്മി നായർ പങ്കുവെച്ചിരുന്നു. സരസ്വതി എന്നാണ് ചെറുമകൾക്ക് നൽകിയിരിക്കുന്ന പേര്.
വിഷ്ണുവിന്റെ ഭാര്യ അനുരാധയെന്ന അനുക്കുട്ടിയും പിറന്നാൾ ആശംസകൾ അറിയിച്ചിരുന്നു. “എന്റെ അമേസിംഗ് ആയ ഭർത്താവ്, നമ്മുടെ സുന്ദരിയായ മോളുടെ നല്ല അടിപൊളി അച്ഛൻ ഹാപ്പി ബർത്ത് ഡേ ഡിയർ! ഞങ്ങൾ എല്ലാവരും നിങ്ങളെ ഒരുപാട് സ്നേഹിക്കുന്നു, ജീവിതത്തിൽ നിങ്ങൾ ആഗ്രഹിക്കുന്നതെല്ലാം നിങ്ങൾ നേടിയെടുക്കുമെന്ന് ഞാൻ പ്രതീക്ഷിക്കുന്നു, കാരണം അതെല്ലാം നേടാൻ നിങ്ങൾ അർഹനാണ്. നമുക്ക് ഈ സോഷ്യൽ മീഡിയയിലൂടെ ഇങ്ങനെ പരസ്പരം സംസാരിക്കേണ്ട ആവശ്യമില്ലെന്ന് എനിക്കറിയാം, പക്ഷേ ഇന്ന് ഞാൻ അത് തിരുത്തുന്നു. എല്ലാ ദിവസവും, പ്രകാശം നിറയ്ക്കുന്നതിനും, ജീവിതം മനോഹരം ആക്കുന്നതിനും ഒരുപാട് നന്ദി,” അനുരാധ കുറിച്ചു.
