മീരാ ജാസ്മിന്-നരേന് കോംബോ വീണ്ടും ഒന്നിക്കുന്ന എം.പത്മകുമാര് ചിത്രം ക്വീന് എലിസബത്ത് പ്രദര്ശനത്തിനൊരുങ്ങുകയാണ്. അച്ചുവിന്റെ അമ്മ, മിന്നാമിന്നിക്കൂട്ടം , ഒരേ കടല് തുടങ്ങിയ ചിത്രങ്ങള്ക്ക് ശേഷം ഇരുവരുടെയും കോംബോയ്ക്കായി പ്രേക്ഷകര് കാത്തിരിക്കുകയാണ്. ‘ക്വീന് എലിസബത്തി’ലൂടെ തന്റെ അഭിനയ ജീവിതത്തിലെ ഏറ്റവും ശക്തമായ കഥാപാത്രവുമായി ഉജ്ജ്വലമായ ഒരു തിരിച്ചു വരവിനൊരുങ്ങുകയാണ് മീരാ ജാസ്മിന്.ഒപ്പം നരേന്,താന് ഇതുവരെ അഭിനയിച്ച കഥാപാത്രങ്ങളില് നിന്ന് വേറിട്ട് നില്ക്കുന്ന സൗമ്യനും നിഷ്കളങ്കനുമായ മുപ്പത്തഞ്ചു വയസ്സുകാരനായ അലക്സായിട്ടാണ് നരേന് എത്തുന്നത്. ജൂഡ് ആന്റണി ജോസഫ് സംവിധാനം ചെയ്ത ബ്ലോക്ക്ബസ്റ്റര് ഹിറ്റായി മാറിയ 2018 എന്ന ചിത്രത്തിലെ മല്സ്യബന്ധന തൊഴിലാളിയുടെ റോളിന് കിട്ടി കൊണ്ടിരിക്കുന്ന അംഗീകാരങ്ങള്ക്ക് ശേഷം നരേന് അവതരിപ്പിക്കുന്ന മികച്ച കഥാപാത്രമാണ് ‘ക്വീന് എലിസബത്തി’ലെ അലക്സ്.
ചിത്രീകരണം പൂര്ത്തിയാക്കിയ ഫാമിലി ഡ്രാമ, ‘ക്വീന് എലിസബത്തി’ന്റെ പ്രധാന ലൊക്കേഷനുകള് കൊച്ചി, കുട്ടിക്കാനം, കോയമ്പത്തൂര് എന്നിവിടങ്ങളിലായിരുന്നു. ഹിറ്റ് ചിത്രങ്ങളായ വെള്ളം, അപ്പന്, പടച്ചോനെ ഇങ്ങള് കാത്തോളി എന്നിവയുടെ നിര്മ്മാതാവായ രഞ്ജിത്ത് മണമ്പ്രക്കാട്ട്, ബ്ലൂ മൗണ്ട് പ്രൊഡക്ഷന്സിന്റെ ബാനറില് എം.പത്മകുമാര്, ശ്രീറാം മണമ്പ്രക്കാട്ട് എന്നിവരുമായി ചേര്ന്നാണ് ഈ ചിത്രത്തിന്റെ നിര്മാണം നിര്വഹിക്കുന്നത്. അര്ജുന് ടി. സത്യന് ആണ് ചിത്രത്തിന്റെ രചന.
ശ്വേതാ മേനോന്, രമേശ് പിഷാരടി, വി.കെ.പ്രകാശ്, രഞ്ജി പണിക്കര് , ജോണി ആന്റണി,മല്ലികാ സുകുമാരന്, ജൂഡ് ആന്റണി ജോസഫ്, ആര്യ ബഡായി ബംഗ്ലാവ്, ശ്രുതി രജനികാന്ത്,പേളി മാണി,സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോല്, ചിത്രാ നായര് എന്നിവര് മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
ഛായാഗ്രഹണം : ജിത്തു ദാമോദര്, സംഗീത സംവിധാനം, ബി.ജി,എം: രഞ്ജിന് രാജ്, ഗാനരചയിതാക്കള്:ഷിബു ചക്രവര്ത്തി,അന്വര് അലി,സന്തോഷ് വര്മ്മ,ജോ പോള്, എഡിറ്റര് : അഖിലേഷ് മോഹന്, ആര്ട്ട് ഡയറക്ടര്: എം.ബാവ, ചീഫ് അസ്സോസിയേറ്റ് ഡയറക്ടര്: ഉല്ലാസ് കൃഷ്ണ, വസ്ത്രാലങ്കാരം: ആയീഷാ ഷഫീര് സേട്ട്, മേക്കപ്പ് : ജിത്തു പയ്യന്നൂര്, പ്രൊഡക്ഷന് കണ്ട്രോളര്: ശിഹാബ് വെണ്ണല, സ്റ്റില്സ്: ഷാജി കുറ്റികണ്ടത്തില്, പ്രൊമോ സ്റ്റില്സ് : ഷിജിന് പി. രാജ്,പോസ്റ്റര് ഡിസൈന്: മനു, പി ആര് ഒ – ശബരി.