മലയാള സിനിമയില് വ്യത്യസ്തമായ അഭിനയ ശൈലി കൊണ്ട് ശ്രദ്ധിക്കപ്പെട്ട നടനാണ് വിനയ് ഫോര്ട്ട്. ചുരുക്കം സിനിമകളിലൂടെ തന്നെ മലയാളികളുടെ മനസില് ഇടം നേടിയ നടന്. ഇപ്പോഴിതാ ധന്യ വര്മ്മയുമായി താരം നടത്തിയ അഭിമുഖമാണ് ശ്രദ്ധേയമാകുന്നത്. ജീവതത്തില് തനിക്കുണ്ടായ ഏറ്റവും വലിയ ദു:ഖത്തെ കുറിച്ച് താരം തുറന്നു പറയുകയുണ്ടായി. ജനുവരിയില് തന്റെ അച്ഛന് മരിച്ചതാണ് ജീവിതത്തിലുണ്ടായ ഏറ്റവും വലിയ ദു:ഖമെന്നാണ് വിനയ് പറഞ്ഞത്. ആ അനുഭവം തന്നെ പലകാര്യങ്ങളും പഠിപ്പിച്ചുവെന്ന് നടന് പറയുന്നുണ്ട്.
ആ സമയം വരെ നാളെ എന്നൊരു കാര്യം താന് വിശ്വസിച്ചിരുന്നു. എന്നാല് നാളെ എന്നൊരു സംഭവമൊന്നുമില്ലെന്ന് താന് പഠിച്ചത് അച്ഛന് മരിച്ചപ്പോഴാണ്. ലൈഫില് ഏറ്റവും വലിയ നഷ്ടം സംഭവിക്കുമ്പോള് നമ്മള് മനസിലാക്കും ആ സമയം നമ്മള്ടെ കൂടെ ആരുണ്ടാവുമെന്നാണ്. എന്നെ ഇമോഷണലി ഹോള്ഡ് ചെയ്തൊരാള് എന്റെ ഭാര്യ സൗമ്യയാണെന്നും വിനയ് പറയുന്നു.
ചുരുളി, മാലിക്, തമാശ തുടങ്ങിയ സിനിമകളില് ശ്രദ്ധേയമായ അഭിനയം കാഴ്ചവെച്ച നടന് അവസരങ്ങള്ക്കായി ആരേയും വിളിച്ച് ബുദ്ധിമുട്ടിക്കാറില്ലെന്നും വിനയ് അഭിമുഖത്തില് പറഞ്ഞു.