മലയാള സിനിമാ രംഗത്ത് എല്ലാ മേഖലകളിലും തന്റെ കയ്യൊപ്പ് ചാർത്തിയ വ്യക്തിയാണ് വിനീത് ശ്രീനിവാസൻ.ഗായകൻ, നടൻ, തിരക്കഥാകൃത്ത്, സംവിധായകൻ, ഗാനരചയിതാവ്, ഡബ്ബിങ് ആർട്ടിസ്റ്റ്, നിർമ്മാതാവ് തുടങ്ങി മലയാള സിനിമയിലെ ഓൾ ഇൻ ഓളാണ് വിനീത് എന്നു പറയാം. സൗമ്യമായ പെരുമാറ്റം കൊണ്ട് പ്രേക്ഷകർക്കും സഹപ്രവർത്തകർക്കും ഒരുപോലെ പ്രിയങ്കരനാണ് താരം
സിനിമ കഴിഞ്ഞാൽ പിന്നെ വിനീതിന് ഏറ്റവും പ്രിയപ്പെട്ടത് തന്റെ കുടുംബമാണ്. ഭാര്യയ്ക്കും മക്കൾക്കുമൊപ്പം ഏറെ സമയം ചെലവഴിക്കാൻ ഇഷ്ടപ്പെടുന്ന വിനീത് തന്റെ കൊച്ചുകൊച്ചു വിശേഷങ്ങൾ ആരാധകരുമായി പങ്കുവെക്കാറുണ്ട്.ദിവ്യയാണ് വിനീതിന്റെ ജീവിതപങ്കാളി. ഇരുവർക്കും രണ്ട് മക്കൾ. വിഹാനും ഷനയയും.
ഇപ്പോഴിതാ, വിനീതും മക്കളും കടൽക്കരയിൽ നിൽക്കുന്ന മനോഹരമായ ഒരു ചിത്രം പങ്കുവച്ചിരിക്കുകയാണ് ദിവ്യ. കടലിലേക്ക് ചിത്രത്തിൽ കടലിലേക്ക് നോക്കി നിൽക്കുകയാണ് അച്ഛനും മക്കളും വിനീതിന്റെ ഭാര്യയും ഗായികയുമായ ദിവ്യയാണ് ഇൻസ്റ്റഗ്രാമിൽ ചിത്രം ഷെയർ ചെയ്തിരിക്കുന്നത്. കുടുംബസമേതം യുകെയിലേക്ക് നടത്തിയ യാത്രയ്ക്കിടയിലാണ് ദിവ്യ ഈ ചിത്രം പകർത്തിയതാണ്.