വിഷ്ണു ഉണ്ണികൃഷ്ണന് ആദ്യമായി പോലീസ് വേഷത്തില് കേന്ദ്രകഥാപാത്രത്തെ അവതരിപ്പിക്കുന്ന ഫാമിലി സസ്പെന്സ് ത്രില്ലര് ‘കുറിയിലെ പ്രോമോ ഗാനം എത്തി. ആശിക്കും കാലം മുന്നില് വട്ടം ചുറ്റുന്നെ എന്ന് തുടങ്ങുന്ന പാട്ട് ശ്രദ്ധേയമായിരിക്കുകയാണ്. വിനീത് ശ്രീനിവാസന് ആണ് ഗാനം ആലപിച്ചിരിക്കുന്നത്.
ബി കെ ഹരിനാരായണന്റെ വരികളുടെ സംഗീതം വിനു തോമസാണ്. കൊക്കേഴ്സ് മീഡിയ&എന്റര്ടെയ്ന്മെന്റ്സ് നിര്മ്മിച്ച് കെ.ആര്.പ്രവീണ് ആണ് തിരക്കഥയെഴുതി സംവിധാനം ചെയ്യുന്നത്. വണ്ടിപ്പെരിയാറിലും പരിസരങ്ങളിലുമായി ചിത്രീകരണം പൂര്ത്തിയാക്കിയ കുറിയില് വിഷ്ണു ഉണ്ണികൃഷ്ണനൊപ്പം സുരഭി ലക്ഷ്മി, അതിഥി രവി, വിഷ്ണു ഗോവിന്ദന്, വിനോദ് തോമസ്, സാഗര് സൂര്യ, പ്രമോദ് വെളിയനാട്, ചാലി പാലാ തുടങ്ങിയവരും പ്രധാന വേഷത്തിലെത്തുന്നു.
ഛായഗ്രഹണം സന്തോഷ് സി പിള്ള, എഡിറ്റിങ് – റഷിന് അഹമ്മദ്. ബി.കെ.ഹരിനാരായണന് വരികളെഴുതുന്ന ഗാനങ്ങള്ക്ക് സംഗീതം നിര്വഹിച്ചിരിക്കുന്നത് വിനു തോമസാണ്. പ്രൊജക്റ്റ് ഡിസൈനര് – നോബിള് ജേക്കബ്, ആര്ട്ട് ഡയറക്ടര് – രാജീവ് കോവിലകം, സംഭാഷണം – ഹരിമോഹന് ജി, കോസ്റ്റ്യൂം – സുജിത് മട്ടന്നൂര്.
മേക്കപ്പ് – ജിതേഷ് പൊയ്യ, സൗണ്ട് ഡിസൈന് – വൈശാഖ് ശോഭന് & അരുണ് പ്രസാദ്, കാസ്റ്റിംഗ് ഡയറക്ടര് – ശരണ് എസ്.എസ്, ചീഫ് അസോസിയേറ്റ് ഡയറക്ടര് – പ്രകാശ് കെ മധു.പി ആര് ഒ – ആതിര ദില്ജിത്. ജൂലൈ 8ന് കുറി തിയേറ്ററുകളിലെത്തും.