താരങ്ങളായ വിഷ്ണുകാന്തിന്റെയും സംയുക്തയുടെയും വേർപിരിയൽ വലിയ ചർച്ചകൾക്ക് തന്നെ വഴിവെച്ചിരിക്കുകയാണ്. കഴിഞ്ഞിടയ്ക്കായിരുന്നു ഇരുവരും വിവാഹിതരായത്. വിവാഹം കഴിഞ്ഞ് ഒരു മാസം തികയുന്നതിനു മുൻപ് തന്നെ ബന്ധം വേർപിരിയാനും ഇരുവരും തീരുമാനിക്കുകയായിരുന്നു. തുടർന്ന് ഇരുവരും പരസ്പരം ആരോപണങ്ങളും പ്രത്യാരോപണങ്ങളുമായി സമൂഹമാധ്യമങ്ങളിൽ നിറഞ്ഞു നിൽക്കുകയായിരുന്നു. സെക്സ് മാത്രമാണ് വിഷ്ണുകാന്തിനു വേണ്ടത് എന്നായിരുന്നു സംയുക്തയുടെ ആരോപണം.
വിഷ്ണു തന്നെ ലൈംഗികമായി പീഡിപ്പിക്കുകയായിരുന്നു എന്നായിരുന്നു ആരോപണം. അതിനിടെ വിഷ്ണുകാന്തിന് പിന്തുണയുമായി എത്തിയിരിക്കുകയാണ് നടി റീഹാന. വിഷ്ണുകാന്ത് ഒരു ജെന്റിൽമാൻ ആണെന്നും സെറ്റിൽ മറ്റു സ്ത്രീകളോടൊന്നും സംസാരിക്കുന്നതായി കണ്ടിട്ടില്ലെന്നും നടി പറയുന്നു. ഇൻസ്റ്റാഗ്രാം പോസ്റ്റിലൂടെയാണ് റീഹാന ഇക്കാര്യം പറഞ്ഞത്. ‘ഞാൻ നിങ്ങളോട് ഒരു കാര്യം പറയാൻ ആഗ്രഹിക്കുന്നു. അദ്ദേഹത്തോടൊപ്പം ഒരുമിച്ച് പ്രവർത്തിച്ചതിന്റെ അനുഭവത്തിൽ നിന്നാണ് ഞാൻ ഇത് പറയുന്നത്. വിഷ്ണു ഒരു ജെന്റിൽമാനാണ്. അദ്ദേഹം സെറ്റിൽ ഒരു നടിയുമായും സംസാരിക്കുന്നതായി ഞാൻ കണ്ടിട്ടില്ല. എന്നോട് പോലും രണ്ടേ രണ്ടു വാക്കേ സംസാരിക്കൂ. അതും സീൻ വരുന്നതിന് മുൻപ്. കഷ്ടപ്പാടുകളിലൂടെ വളർന്ന് വന്ന അയാൾക്ക് ഇത് സഹിക്കാൻ കഴിയുന്നതായിരിക്കില്ല.
ജീവിതം ഒന്നേയുള്ളു. അത് നല്ല രീതിയിൽ വന്നില്ലെങ്കിൽ, അടുത്ത തവണ എന്ത് എങ്ങനെ സംഭവിക്കുമെന്ന് നമുക്ക് അറിയില്ല. അതുകൊണ്ട് ഇതിൽ പെട്ടെന്ന് ഒരു തീരുമാനം എടുക്കരുത്. കുറച്ച് ദിവസങ്ങൾക്ക് ശേഷം തീരുമാനം എടുക്കുന്നതാകും ഉചിതം. ശ്രദ്ധിക്കണം. അദ്ദേഹത്തിന്റെ പ്രൊഫഷണൽ ജീവിതം അടുത്ത ഘട്ടത്തിലേക്ക് കൊണ്ടുപോകുന്നതിന് എല്ലാ ആശംസകളും. അദ്ദേഹത്തിന്റെ പേഴ്സണൽ നമ്പർ പോലും എന്റെ പക്കലില്ല. എന്റെ മനസ്സിൽ തോന്നിയ കാര്യങ്ങളാണ് ഇവിടെ പങ്കുവയ്ക്കുന്നത്,’ എന്നാണ് റീഹാന കുറിച്ചിരിക്കുന്നത്.
