അഹാന മലയാള സിനിമയില്‍ അരങ്ങേറ്റം കുറിക്കുന്നത് ഞാന്‍ സ്റ്റീവ് ലോപ്പസ് എന്ന ചിത്രത്തിലൂടെയാണ്. യുവനായികമാരില്‍ ശ്രദ്ധേയയാണ് നടന്‍ കൃഷ്ണകുമാറിന്റെ മകള്‍ അഹാന. നായികാ കഥാപാത്രത്തിലുപരി അഹാനയുടെ ശ്രദ്ധ നല്ല കഥാപാത്രങ്ങള്‍ ചെയ്യുന്നതിലാണ് .
അഹാനയുടേതായി ഈ വര്‍ഷം മൂന്ന് ചിത്രങ്ങള്‍ റിലീസിനെത്തും. ഇപ്പോള്‍ സാമൂഹ്യ മാധ്യമങ്ങളില്‍ ചര്‍ച്ചയാകുന്നത് അഹനയുടെ രസകരമായ ഒരു ഇന്‍സ്റ്റഗ്രാം പോസ്റ്റാണ്. അമ്പരന്ന് നില്‍ക്കുന്ന മുഖഭാവത്തിലുള്ള ചിത്രം പങ്കുവച്ചുകൊണ്ടാണ് അഹാനയുടെ പോസ്റ്റ്.’
ഞാനിപ്പോള്‍ ജീവിതത്തില്‍ ആ അവസ്ഥയെ നേരിടുകയാണ്. ഇപ്പോള്‍ എന്നെ മൂന്ന്,നാല്,അഞ്ച് വയസുള്ള കുട്ടികള്‍ക്ക് മുപ്പതു വയസ് പ്രായമുള്ളവര്‍ എന്നെ അന്റീ എന്ന് പറഞ്ഞാണ് പരിചയപ്പെടുത്തുന്നത്. ഒരു ഉദാഹരണം പറയുകയാണെങ്കില്‍ ആന്റിക്ക് ഹായ് പറയൂ, ആന്റിയെ നോക്കു, ചിരിക്കൂ. ടെക്‌നിക്കലി അത് ശരിയാണ്.
ആ വിളി കേള്‍ക്കുമ്‌ബോള്‍ എന്റെ മുഖം ഏറെക്കുറെ ഇതുപോലെയകും. എന്റെ പ്രായത്തിലുള്ളവര്‍ ഇപ്പോള്‍ കല്യാണ പന്തലിലോ, അല്ലെങ്കില്‍ ലേബര്‍ റൂമിലോ കോളേജിലോ ഒക്കെയായിരിക്കും’ എന്നും അഹാന പറയുന്നു.
