ഡോക്ടര്‍ പാട്രിക്ക് വോള്‍മർ ഫേസ്ബുക്കിലൂടെ കോണ്‍ടാക്ട് ലെന്‍സ് ധരിച്ചുകൊണ്ട് ഉറങ്ങിയ രോഗിക്ക് സംഭവിച്ച ദാരുണാവസ്ഥ പങ്കുവെച്ചിരിക്കുകയാണ്. ഡോക്ടര്‍മാര്‍ കോണ്‍ടാക്ട് ലെന്‍സ് ഉപയോഗിക്കുന്നവരോട് നിര്‍ദേശിക്കുന്ന പ്രധാന മുന്‍കരുതലുകളില്‍ ഒന്നാണ് അത് ധരിച്ച് ഉറങ്ങാന്‍ പാടില്ല എന്നത്.
തന്റെ ഫേസ്ബുക്കിലൂടെ പങ്കുവെച്ചിരിക്കുന്നത് കോണ്‍ടാക്ട് ലെന്‍സ്‌വെച്ച് സ്ഥിരമായി കിടന്നുറങ്ങിയ യുവതിയുടെ കണ്ണ് ബാക്ടീരിയ കാര്‍ന്നുതിന്ന ചിത്രമാണ്. സ്യൂഡോമോണ’ എന്ന ബാക്ടീരിയയാണ് യുവതിയുടെ കൃഷ്ണമണി തിന്നതെന്നും ഡോക്ടര്‍ പറയുന്നു.
കൃഷ്ണമണി ബാക്ടീരിയ ആക്രമണത്തിന് ഇരയായതോടെ വെള്ളപ്പാടപോലെയാണ് കൃഷ്ണമണി മാറിയത്. കണ്ണ് മുഴുവന്‍ പച്ച നിറമാകുകയായിരുന്നു. ഇവരുടെ കാഴ്ചശക്തി പൂര്‍ണ്ണമായും നഷ്ടമായ അവസ്ഥയിലാണ്. യുവതി സ്ഥിരമായി കോണ്‍ടാക്ട് ലെന്‍സ് വെച്ച് ഉറങ്ങുമായിരുന്നു.
ഇതൊരു പാഠമാകണമെന്നും മൃദുലമായ കോണ്‍ടാക്ട് ലെന്‍സ് പോലും കണ്ണില്‍വെച്ച് ഉറങ്ങരുതെന്ന് ഡോക്ടര്‍ നിര്‍ദേശിക്കുന്നു. നോര്‍ത്ത് കരോലിനയിലാണ് സംഭവം. വിവിധ മാധ്യമങ്ങള്‍ വാര്‍ത്ത റിപ്പോര്‍ട്ട് ചെയ്തിട്ടുണ്ട്.
