മലയാളികള് ഇപ്പോള് ഏറ്റവും പ്രതീക്ഷയോടെ കാത്തിരിക്കുന്ന സിനിമയാണ് ‘എമ്പുരാൻ’. മാര്ച്ച് 27നാണ് ചിത്രം റീലിസ് ചെയുന്നത്. ചിത്രം റിലീസാകാന് ആഴ്ചകള് മാത്രം ബാക്കിയിരിക്കെ ട്രെയ്ലറിന് വേണ്ടിയുള്ള കാത്തിരിപ്പിലാണ് ഇപ്പോൾ പ്രേക്ഷകർ. ഇപ്പോൾ എമ്പുരാന്റെ ട്രെയ്ലര് എപ്പോഴാകും എന്ന ചോദ്യത്തിന് മറുപടി പറയുകയാണ് നടൻ നന്ദു. ലൂസിഫറില് പീതാംബരന് എന്ന കഥാപാത്രമായി എത്തിയ നന്ദു ഇപ്പോൾ എമ്പുരാനിലും അതേകഥാപാത്രമായി എത്തുന്നുണ്ട്, ഇപ്പോൾ എമ്പുരാന്റെ ട്രെയ്ലര് എപ്പോഴാകും എന്ന ചോദ്യത്തിന് മറുപടി ,അതിനെ കുറിച്ച് എനിക്ക് എന്തെങ്കിലും അറിയാമായിരുന്നെങ്കില് ഞാന് പറഞ്ഞേനേ എന്നും,
എനിക്ക് ഇപ്പോള് നിലയില് എമ്പുരാന്റെ അപ്ഡേറ്റിനെ കുറിച്ച് വലിയ സൂചനയൊന്നും ലഭിച്ചിട്ടില്ല. പിന്നെ രാജുവിന്റെ എല്ലാ കാര്യങ്ങളും സര്പ്രൈസാണല്ലോ. അതുപോലെ സര്പ്രൈസായിട്ട് എന്തെങ്കിലും വരുമായിരിക്കും, എന്നും നന്ദു പറയുന്നു, ഇതിന്റെ ഇടയില് ടീസര് ലോഞ്ചിങ്ങൊക്കെ ഉണ്ടായിരുന്നല്ലോ. എന്നെ വിളിച്ചിരുന്നെങ്കിലും അന്ന് എനിക്ക് പോകാന് പറ്റിയിരുന്നില്ല. അതുപോലെ ഇനി ട്രെയ്ലര് ലോഞ്ചോ മറ്റോ ഉണ്ടാകുമായിരിക്കാം. പക്ഷെ അത് എപ്പോഴാണെന്നോ എങ്ങനെയാണെന്നോ എനിക്ക് അറിയില്ല.
ഇനി എന്തായാലും സിനിമ വരാന് കുറച്ച് ദിവസങ്ങളല്ലേ ബാക്കിയുള്ളൂ. രണ്ടാഴ്ചയാണ് ബാക്കിയുള്ളത്. എങ്ങനെയാകും അതിന്റെ അപ്ഡേറ്റെന്ന് അറിയില്ല. എല്ലാവരും എക്സ്പെക്റ്റ് ചെയ്യുന്നത് പോലെ ഞാനും അതേ എക്സ്പെക്റ്റേഷനിലാണ് നില്ക്കുന്നത്, നന്ദു പറയുന്നു, അതേസമയം 2019ല് പൃഥ്വിരാജ് സുകുമാരന് സംവിധാനം ചെയ്ത് പുറത്തിറങ്ങിയ ത്രില്ലര് ചിത്രമായ ലൂസിഫറിന്റെ രണ്ടാം ഭാഗമാണ് ഇത്. മുരളി ഗോപി തിരക്കഥയെഴുതി ആന്റണി പെരുമ്പാവൂര് നിര്മിച്ച ചിത്രത്തില് മോഹന്ലാല് ആയിരുന്നു സ്റ്റീഫന് നെടുമ്പള്ളി എന്ന രാഷ്ട്രീയക്കാരനായും ഖുറേഷി അബ്രാം എന്ന അധോലോക നായകനായും എത്തിയത്.
