ശരീരത്തിന് ഏറെ ആവശ്യമായ ഒരു ധാതുവാണ് അയണ് അഥവാ ഇരുമ്പ്. ചുവന്ന രക്താണുക്കൾ ഉൽപ്പാദിപ്പിക്കുന്നതിനും പേശികളുടെ ശക്തിക്കും രോഗപ്രതിരോധശേഷിക്കുമൊക്കെ അയൺ ആവശ്യമാണ്. ശരീരത്തിൽ ഇരുമ്പിന്റെ അംശം കുറഞ്ഞു കാണുന്ന അവസ്ഥയാണ് അനീമിയ അഥവാ വിളർച്ച. അയണിന്റെ കുറവുള്ളവരില് കാണുന്ന ലക്ഷണങ്ങൾ എന്തൊക്കെയാണ്?
1 . വിളര്ച്ച, വിളറിയ ചര്മ്മം ,തുടങ്ങിയവയും അയണിന്റെ കുറവിനെ സൂചിപ്പിക്കുന്ന ലക്ഷണങ്ങളാണ്.
2 . അമിത ക്ഷീണവും തളര്ച്ചയും ഇരുമ്പിന്റെ കുറവു മൂലം പലര്ക്കുമുണ്ടാകാം. ഒന്നും ചെയ്യാന് തോന്നാത്ത അവസ്ഥ, ഉന്മേഷക്കുറവ് തുടങ്ങിയവയും ഇരുമ്പിന്റെ കുറവുള്ളവരില് കാണാം.
3 . നഖങ്ങള് പെട്ടെന്ന് പൊട്ടി പോവുന്നതും ഇരുമ്പിന്റെ കുറവിനെ സൂചിപ്പിക്കുന്ന ലക്ഷണ൦
4 .ഇരുമ്പിന്റെ കുറവു മൂലം ചിലരില് ശ്വസിക്കാനുള്ള ബുദ്ധിമുട്ടും ഉണ്ടാകാം
5 .തലമുടി കൊഴിച്ചില്, വരണ്ട ചര്മ്മം തുടങ്ങിയവയും ഇരുമ്പിന്റെ കുറവിനെ സൂചിപ്പിക്കുന്ന ലക്ഷണങ്ങളാകാം.
6 . തലക്കറക്കം, തലവേദന തുടങ്ങിയവയും ഇരുമ്പിന്റെ കുറവിനെ സൂചിപ്പിക്കുന്ന ലക്ഷണങ്ങളാകാം.
അയൺ അടങ്ങിയിരിക്കുന്ന ഭക്ഷണങ്ങൾ, ചീര, ബ്രൊക്കോളി പോലുള്ള ഇലക്കറികള്, ബീറ്റ്റൂട്ട്, മാതളം, ഈന്തപ്പഴം, ചിയ സീഡ്സ് തുടങ്ങിയവയില് ഇരുമ്പ് അടങ്ങിയിരിക്കുന്നു.
