കേന്ദ്ര മന്ത്രി സുരേഷ്ഗോപിയ്ക്ക് മാധ്യമങ്ങളോടുള്ള സമീപനത്തില് പരിഹാസവുമായി ഗതാഗത മന്ത്രി കെബി ഗണേഷ്കുമാര്. ഞാൻ മുൻപേ പറഞ്ഞു ,സുരേഷ് ഗോപി ഇങ്ങനെയൊക്കെ ആയിരിക്കുമെന്ന്, ഇനി എല്ലാവരും അനുഭവിക്കുക എന്നുമാത്രമാണ് തനിക്ക് പറയാനുള്ളതെന്നും കെബി ഗണേഷ്കുമാര് പറഞ്ഞു. സുരേഷ് ഗോപിയെക്കുറിച്ച് ഇനി താന് ഒന്നും പറയുന്നില്ല. സുരേഷ് ഗോപി ഇങ്ങനെയൊക്കെയായിരിക്കുമെന്ന് തിരഞ്ഞെടുപ്പിന് മുമ്പേ ഞാന് പറഞ്ഞപ്പോള് സാരമില്ല എന്ന് വിചാരിച്ചവരൊക്കെ ഇപ്പോള് അനുഭവിച്ചുകൊള്ളുക എന്നതേയുള്ളൂ, ഗണേഷ് കുമാർ പറയുന്നു,പാലക്കാട് മാധ്യമങ്ങളോട് സംസാരിക്കുകയായിരുന്നു ഗണേഷ് കുമാർ.
തന്റെ തിരഞ്ഞെടുപ്പ് പ്രസംഗം കേട്ട് എന്തിനാണ് നിങ്ങള് ഇങ്ങനെയൊക്കെ പറയുന്നതെന്ന് പലരും ചോദിച്ചിട്ടുണ്ട്. കഴിഞ്ഞ ദിവസം സുരേഷ് ഗോപിക്ക് എന്താ കുഴപ്പമെന്ന് ഒരാള് ചോദിച്ചു. അതിന് മറുപടിയായി ഞാന് പറഞ്ഞത് സുരേഷ്ഗോപിക്കല്ല കുഴപ്പം ജയിപ്പിച്ച തൃശൂരുകാര്ക്കാണെന്നും പറഞ്ഞു,മന്ത്രി ഗണേഷ് കുമാര് വ്യക്തമാക്കി. വര്ഷങ്ങളായി തനിക്ക് അറിയാവുന്ന ഒരാളെക്കുറിച്ച് താന് പറഞ്ഞ അഭിപ്രായമാണ്. വര്ഷങ്ങള്ക്ക് മുമ്പ് ഇദ്ദേഹം ഭരത്ചന്ദ്രനായി അഭിനയിച്ചതിന് ശേഷം, അദ്ദേഹത്തിന്റെ കാറിന്റെ പുറകില് എപ്പോഴും ഒരു എസ്പിയുടെ തൊപ്പിയുണ്ടാകും. അരുടെയെങ്കിലും ഓര്മ്മയില് ഉണ്ടെങ്കില് അത് ശ്രദ്ധിച്ചാല് മതി. കുറേനാളുകൾ ആ തൊപ്പി അവിടെയുണ്ടായിരുന്നുവെന്നും,മന്ത്രി ഗണേഷ് കുമാര് പറഞ്ഞു,കൂടാതെ തൃശൂരുകാര്ക്ക് സുരേഷ് ഗോപിയെക്കൊണ്ട് എന്തെങ്കിലും ഉപകാരമുണ്ടാകട്ടെ എന്ന് ദൈവത്തോട് പ്രാര്ത്ഥിക്കാം എന്നും അദ്ദേഹം കൂട്ടിച്ചേർത്തു.
