സാധാരണയായി വീട്ടിൽ സ്റ്റീൽ പാത്രങ്ങളിലും അലുമിനിയം പാത്രങ്ങളിലുമാണ് പാചകം ചെയ്യുന്നത്. എന്നാൽ അലുമിനിയം പാത്രത്തിൽ പാചകം ചെയ്ത് കഴിച്ചാൽ അത് എല്ലുകളെ ബാധിക്കുമെന്ന ഒരു വീഡിയോ യൂട്യൂബിൽ പ്രചരിക്കുന്നുണ്ട്. അതിനാൽ അലുമിനിയം പാത്രങ്ങളിൽ ആഹാരം പാകം ചെയ്യാൻ പാടില്ല എന്ന് പറയുന്നു. ഈ വിഷയത്തിൽ ഫാക്ട് ചെക്ക് ടീം ഡോക്ടർമാരുമായി ബന്ധപ്പെട്ട് കൂടുതൽ വിവരങ്ങൾ ശേഖരിച്ചു,അവ ഇതാ.
അലുമിനിയം പാത്രങ്ങൾ ഉപയോഗിക്കുമ്പോൾ ശ്രദ്ധിക്കേണ്ട ചില കാര്യങ്ങളുണ്ട്. പാചകം ചെയ്യുമ്പോൾ അലുമിനിയം ഭക്ഷണത്തിൽ കലരാൻ സാധ്യതയുണ്ടെന്ന് വിശ്വസിക്കപ്പെടുന്നു. അമിതമായ അളവിൽ അലുമിനിയം ശരീരത്തിൽ എത്തുന്നത് മാനസികാരോഗ്യം, കരൾ, നാഡീവ്യൂഹം എന്നിവയ്ക്ക് നല്ലതല്ല. ഇത് കഴിക്കുന്നതിലൂടെ ഇരുമ്പിന്റെയും കാൽസ്യത്തിന്റെയും പോഷകാംശങ്ങൾ വലിച്ചെടുക്കാൻ ശരീരത്തിന് ബുദ്ധിമുട്ടുണ്ടാക്കുന്നു എന്നാണ് ആ വീഡിയോയിൽ പറഞ്ഞിരിക്കുന്നത്.
ജഹാംഗീർ ഹോസ്പിറ്റലിലെ ക്ലിനിക്കൽ ന്യൂട്രീഷനിസ്റ്റ് റിച്ച ശുക്ല പറയുന്നത് അലുമിനിയം പൊതുവെ ദോഷകരമല്ലെങ്കിലും, ചില മുൻകരുതലുകൾ എടുക്കുന്നത് നല്ലതാണ്. അലുമിനിയം ഒരു പ്രകൃതിദത്തമായ ഘടകമാണ്. ഇത് വളരെ ചെറിയ അളവിൽ ഭക്ഷണത്തിൽ കലർന്നാലും ദോഷകരമല്ല. അലുമിനിയം പാത്രങ്ങളുടെ കാര്യത്തിൽ, പാചകം ചെയ്യുമ്പോൾ അതിന്റെ ചില കണികകൾ ഭക്ഷണത്തിൽ കലരുന്നു. എന്നാൽ ഇവ ദോഷകരമല്ല,
ചില മരുന്നുകൾ കഴിക്കുന്നതിലൂടെയും അലുമിനിയം ശരീരത്തിൽ എത്താൻ സാധ്യതയുണ്ട്. ഇത് കാൽസ്യം ആഗിരണം ചെയ്യുന്ന പ്രക്രിയക്ക് തടസ്സമുണ്ടാക്കുകയും എല്ലുകളുടെ ആരോഗ്യത്തെ കാലക്രമേണ പ്രതികൂലമായി ബാധിക്കുകയും ചെയ്യും.വൃക്ക സംബന്ധമായ പ്രശ്നങ്ങളുള്ള ആളുകൾ അലുമിനിയം കാര്യമായി ശ്രദ്ധിക്കണം. കാരണം, അലുമിനിയം നീക്കം ചെയ്യാനുള്ള ശരീരത്തിന്റെ കഴിവ് കുറയുന്നു. എന്നാൽ ഇത് ആരോഗ്യവാനായ ഒരാളെയും ദോഷകരമായി ബാധിക്കില്ല,അലുമിനിയം പാത്രങ്ങളെക്കുറിച്ച് കൂടുതൽ ആകുലപ്പെടേണ്ടതില്ല. ആവശ്യമെങ്കിൽ ആനോഡൈസ്ഡ് അല്ലെങ്കിൽ സ്റ്റെയിൻലെസ് സ്റ്റീൽ അലുമിനിയം പാത്രങ്ങൾ ഉപയോഗിക്കാം. എല്ലുകളുടെ ആരോഗ്യത്തെയും കാൽസ്യം ആഗിരണത്തെയും ഇത് ദോഷകരമായി ബാധിക്കില്ല എന്ന് വിദഗ്ദ്ധർ പറയുന്നതുകൊണ്ട് ഫാക്ട് ചെക്ക് ടീം ഈ പ്രസ്താവനയെ ഭാഗികമായി ശരിവയ്ക്കുന്നു.
