കരൾ രോഗങ്ങൾക്ക് മദ്യപാനം ഇപ്പോഴും ഒരു പ്രധാന കാരണമാണെങ്കിലും അത് മാത്രമല്ല ഇതിന് കാരണമെന്ന് ഡോ.ഗുർബിലാസ് പി സിംഗ് പറയുന്നു. ഇന്ത്യയിൽ കരൾ രോഗങ്ങൾ ബാധിക്കുന്നവരുടെ എണ്ണം ദിനംപ്രതി കൂടി വരികയാണ്. വറുത്ത ഭക്ഷണങ്ങളും പഞ്ചസാരയും കഴിക്കുന്നത് കരൾ രോഗങ്ങൾക്കുള്ള സാധ്യത കൂട്ടുന്നതായി ആരോഗ്യ വിദഗ്ധർ പറയുന്നു.കരൾ രോഗത്തിനുള്ള ഒരു പ്രധാന അപകട ഘടകമാണ് പ്രമേഹം എന്ന് പ്രമുഖ ഗ്യാസ്ട്രോഎൻട്രോളജിസ്റ്റായ ഡോ. സിംഗ് പറയുന്നു.
അമൃത്സറിലെ ജനസംഖ്യയുടെ ഏകദേശം 30 ശതമാനം പ്രമേഹരോഗികളോ പ്രമേഹത്തിന് മുമ്പുള്ള അവസ്ഥയിലുള്ളവരോ ആണ്. കൂടാതെ ഈ ജനസംഖ്യയുടെ 10 ശതമാനം പേർക്ക് കരൾ സംബന്ധമായ പ്രശ്നങ്ങൾ ഉണ്ടാകാനുള്ള സാധ്യത വളരെ കൂടുതലാണ്. കരൾ രോഗത്തിനുള്ള ഒരു പ്രധാന അപകട ഘടകമാണ് പ്രമേഹം എന്ന് പ്രമുഖ ഗ്യാസ്ട്രോഎൻട്രോളജിസ്റ്റായ ഡോ. ഗുർബിലാസ് പി സിംഗ് പറയുന്നു.
പഞ്ചാബിലെ, പ്രത്യേകിച്ച് അമൃത്സറിലെ ജനങ്ങൾ ഭക്ഷണത്തെ ഇഷ്ടപ്പെടുന്നു. അവയിൽ ഭൂരിഭാഗവും എണ്ണയിൽ വറുത്തതോ വെണ്ണയോ നെയ്യോ ചേർത്ത ഭക്ഷണങ്ങളാണ്. വറുത്തതും പൊരിച്ചതുമായ ഭക്ഷണത്തോടുള്ള ഈ സ്നേഹം, ഫാറ്റി ലിവർ രോഗം, സിറോസിസ്, ലിവർ കാൻസർ പോലുള്ള ഗുരുതരമായ അവസ്ഥകളിലേക്ക് നയിച്ചേക്കാമെന്ന് ഡോ. പറയുന്നു. ആരോഗ്യകരമായ ഭക്ഷണക്രമം പാലിക്കുക, പതിവായി വ്യായാമം ചെയ്യുക, പ്രമേഹം ഫലപ്രദമായി നിയന്ത്രിക്കുക തുടങ്ങിയവയിലൂടെ കരൾ രോഗം വരാനുള്ള സാധ്യത ഗണ്യമായി കുറയ്ക്കാൻ കഴിയു൦,ഡോ. ഗുർബിലാസ് പി സിംഗ് പറയുന്നു.
