പൃഥ്വിരാജ് സുകുമാരനെ നായകനാക്കി ജയൻ നമ്ബ്യാർ സംവിധാനം ചെയ്ത വിലായത്ത് ബുദ്ധ പ്രേക്ഷകരുടെ മുമ്പിൽ എത്തിയിരിക്കുകയാണ്. ആദ്യ ഷോകളുടെ പിന്നാലെ തന്നെ സിനിമയ്ക്ക് എല്ലാ മേഖലകളിൽ നിന്നും മികച്ച പ്രതികരണങ്ങളാണ് ലഭിക്കുന്നത്. ജി. ആർ. ഇന്ദുഗോപന്റെ നോവലിനോട് നീതി പുലർത്തുന്ന രീതിയിലാണ് ചിത്രം തയ്യാറാക്കിയതെന്ന് പ്രേക്ഷകർ വിലയിരുത്തുന്നു.
സിനിമയിലെ പ്രധാന ആകർഷണമെന്ന നിലയിൽ പൃഥ്വിരാജിന്റെ പ്രകടനമാണ് കൂടുതൽ ചർച്ച ചെയ്യപ്പെടുന്നത്. ഷമ്മി തിലകന്റെ കഥാപാത്രാവിഷ്കാരവും മികച്ച അഭിപ്രായങ്ങൾ നേടി, ചിത്രത്തിലെ ഷോ സ്റ്റീലറെന്നും പലർക്കും തോന്നിയിട്ടുണ്ട്. ജേക്സ് ബിജോയിയുടെ സംഗീതവും പ്രേക്ഷക പ്രശംസ നേടി സിനിമയ്ക്ക് കൂടുതൽ ഭാവന നൽകി.
ജി. ആർ. ഇന്ദുഗോപന്റെ പ്രശസ്ത നോവൽ വിലായത്ത് ബുദ്ധയെ അടിസ്ഥാനമാക്കിയുള്ള ഈ സിനിമയിൽ പ്രിയംവദ കൃഷ്ണയാണ് നായിക. 777 ചാർലിയുടെ ഛായാഗ്രാഹകനായ അരവിന്ദ് കശ്യപും രണദേവും ചേർന്നാണ് ഛായാഗ്രഹണം നിർവഹിച്ചിരിക്കുന്നത്. കന്നഡയിലെ ഹിറ്റ് ചിത്രമായ ബെൽബോട്ടംയുടെ ക്യാമറയും കൈകാര്യം ചെയ്തിട്ടുള്ളതാണ് അരവിന്ദ് കശ്യപ്.
