കൊച്ചി: മലയാള സിനിമയിൽ പുതിയ പ്രതീക്ഷ നൽകി, ഹരീഷ് പേരടി, ഇന്ദ്രൻസ്, ഹരീഷ് കണാരൻ, സെന്തിൽ കൃഷ്ണ എന്നിവർ മുഖ്യവേഷത്തിലെത്തുന്ന ‘മധുര കണക്ക്’ നാളെ (ഡിസംബർ 4) തിയറ്ററുകളിൽ എത്തുന്നു. അടുത്തിടെ പുറത്തിറങ്ങിയ ചിത്രത്തിന്റെ ട്രെയ്ലർ പ്രേക്ഷക ശ്രദ്ധ നേടിക്കഴിഞ്ഞു.
നവാഗതനായ രാധേ ശ്യാം വി. സംവിധാനം ചെയ്യുന്ന ഈ ചിത്രം ഹരീഷ് പേരടി പ്രൊഡക്ഷൻസും എൻ.എം മൂവീസും ചേർന്നാണ് നിർമ്മിച്ചിരിക്കുന്നത്. ‘മധുര കണക്കി’ന്റെ പ്രധാന ആകർഷണങ്ങളിൽ ഒന്ന്, കോമഡി വേഷങ്ങളിലൂടെ ശ്രദ്ധേയനായ ഹരീഷ് കണാരൻ ഒരു നെഗറ്റീവ് കഥാപാത്രമായി എത്തുന്നു എന്നതാണ്. ഒരു നടൻ എന്നതിലുപരി ഹരീഷ് പേരടി നിർമ്മാതാവിന്റെ റോളിലും ഈ സിനിമയിൽ പങ്കാളിയാകുന്നു.
പ്രശസ്ത നടൻ ഹരീഷ് പേരടിയുടെ മകൻ വിഷ്ണു പേരടിയും ചിത്രത്തിൽ ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്. ഛായാഗ്രഹണം എൽദോ ഐസക്ക് നിർവ്വഹിച്ചിരിക്കുന്നു.
പ്രമേയം കൊണ്ടും അവതരണം കൊണ്ടും പുതുമകൾ അവകാശപ്പെടുന്ന ‘മധുര കണക്ക്’, കുടുംബ പ്രേക്ഷകർക്ക് ഒരുപോലെ ആസ്വദിക്കാൻ സാധിക്കുന്ന ഒരു ചലച്ചിത്രാനുഭവമായിരിക്കും. ഡിസംബർ 4-ന് ഈ സിനിമ തിയറ്ററുകളിൽ എത്താൻ ഒരുങ്ങുമ്പോൾ, മലയാള സിനിമാ പ്രേമികൾ ആകാംഷയോടെ കാത്തിരിക്കുകയാണ്.
