മലയാള സിനിമയിലെ എക്കാലത്തെയും മാസ് ഹിറ്റായ ‘സ്ഫടിക’ത്തിന്റെ സംവിധായകൻ ഭദ്രന്റെ ഏറ്റവും പുതിയ ചിത്രങ്ങളാണ് ഇപ്പോൾ സോഷ്യൽ മീഡിയയിൽ ചർച്ചാവിഷയം. 70-കളിൽ എത്തിനിൽക്കുന്ന അദ്ദേഹം അതീവ സങ്കീർണ്ണമായ യോഗാസനങ്ങൾ വളരെ അനായാസമായി ചെയ്യുന്ന ചിത്രങ്ങളാണ് പുറത്തുവിട്ടിരിക്കുന്നത്. പ്രായത്തെ വെല്ലുന്ന ശാരീരിക വഴക്കവും ആരോഗ്യവും കണ്ട് അത്ഭുതപ്പെട്ടിരിക്കുകയാണ് ആരാധകരും സിനിമാ ലോകവും.
ശരീരത്തെ ഒരു വില്ലുപോലെ വളച്ചും തലകീഴായി നിന്നുമുള്ള ആസനങ്ങൾ ചെയ്യുന്ന ഭദ്രനെയാണ് ചിത്രങ്ങളിൽ കാണാൻ സാധിക്കുന്നത്. തന്റെ ആരോഗ്യത്തിന്റെ രഹസ്യം കൃത്യമായ യോഗാഭ്യാസവും ചിട്ടയായ ജീവിതശൈലിയുമാണെന്ന് അദ്ദേഹം പലപ്പോഴും വ്യക്തമാക്കിയിട്ടുണ്ട്. സിനിമയിലെന്നപോലെ ജീവിതത്തിലും പെർഫെക്ഷൻ ആഗ്രഹിക്കുന്ന വ്യക്തിയാണ് താനെന്ന് ഈ ചിത്രങ്ങളിലൂടെ അദ്ദേഹം ഒരിക്കൽ കൂടി തെളിയിച്ചിരിക്കുകയാണ്.
സൗബിൻ ഷാഹിറിനെ നായകനാക്കി ഒരുക്കുന്ന പുതിയ ചിത്രത്തിന്റെ പണിപ്പുരയിലാണ് നിലവിൽ ഭദ്രൻ. ഈ പ്രായത്തിലും അദ്ദേഹം പുലർത്തുന്ന ചുറുചുറുക്കും ഊർജ്ജസ്വലതയും പുതുതലമുറയ്ക്ക് വലിയ പ്രചോദനമാണെന്ന് സോഷ്യൽ മീഡിയയിൽ പലരും കുറിച്ചു. ‘ഇതാണ് യഥാർത്ഥ സ്ഫടികം’, ‘ആരോഗ്യത്തിന്റെ കാര്യത്തിലും ഇദ്ദേഹം മാസ് ആണ്’ എന്നിങ്ങനെ പോകുന്നു ചിത്രങ്ങൾക്ക് താഴെ വരുന്ന കമന്റുകൾ.
