സോഷ്യല്‍ ലോകത്തെ സജീവസാന്നിധ്യമാണ് നടന്‍ ബാല. കുടുംബവിശേഷങ്ങള്ഡ എല്ലായ്‌പ്പോഴും താരം പങ്കുവയ്ക്കാറുണ്ട്. ജീവിതത്തിലെ പ്രതിസന്ധികളെയും വിവാദങ്ങളെയും എല്ലാം കുറിച്ച് ബാല വീഡിയോ ചെയ്തിരുന്നു.
അമൃതയും ഗോപി സുന്ദറുമായുള്ള ബന്ധത്തിലും പരോക്ഷ പ്രതികരണവുമായി താരം എത്തിയിരുന്നു. അമൃതയുമായി വിവാഹമോചനം തേടിയ ശേഷം ബാല ഇപ്പോള്‍ എലിസബത്തുമായി സ്വസ്ഥകുടുംബജീവിതം നയിക്കുകയാണ്. എപ്പോഴും എലിസബത്തും കൂടിയുള്ള വീഡിയോ പോസ്റ്റ് ചെയ്യുന്നത് ബാലയുടെ പതിവാണ്.
ഇപ്പോഴിതാ താരം പുതിയ വിശേഷം പങ്കുവച്ചെത്തയിരിക്കുകയാണ്. എലിസബത്ത് കൂടെയില്ല.പകരം വീട്ടിലേക്കുവന്ന അതിഥിയാണ് ഇത്തവണ ബാലയോടൊപ്പമുള്ളത്.
പുതിയതായി മാറി താമസത്തിനെത്തിയ വീട്ടിലെ കാഴ്ചയാണുള്ളത്. ഒന്ന് കാതോര്‍ത്താല്‍, ഈ വീടിന്റെ ചുറ്റുവട്ടത്തെ രസകരമായ ശബ്ദങ്ങള്‍ കേള്‍ക്കാം. വീടിന്റെ മുറ്റത്തു നില്‍ക്കുന്ന വീഡിയോയാണ് ബാല പോസ്റ്റ് ചെയ്തിട്ടുള്ളത്.
വീട്ടിലേക്കു അതിഥിയായി ഒരു ആമ വന്നുചേര്‍ന്നിരിക്കുന്നു. അതാണ് വിശേഷം. ഈ ആമയെ കയ്യിലെടുത്ത് ബാല ക്യാമറയ്ക്കു നേരെ കാണിക്കുന്നു. സാധാരണ ഗൃഹനാഥനായി, ലുങ്കി മടക്കിക്കുത്തി വീട്ടുവിശേഷം അവതരിപ്പിക്കുകയാണ് ബാല.
മലയാളം, തമിഴ് സിനിമകളില്‍ സജീവമായ ബാല, ഏറ്റവുമൊടുവില്‍ രജനികാന്ത് ചിത്രമായ ‘അണ്ണാത്തെ’യിലാണ് വേഷമിട്ടത്. ഇനി ഉണ്ണി മുകുന്ദന്‍ നിര്‍മ്മിച്ച് നായകവേഷം ചെയ്യുന്ന ‘ഷെഫീക്കിന്റെ സന്തോഷം’ എന്ന സിനിമയാണ് വരാനിരിക്കുന്നത്.
ഒട്ടേറെ കാരുണ്യ പ്രവര്‍ത്തികള്‍ ചെയ്യുന്ന താരം കൂടിയാണ് ബാല. പലര്‍ക്കും ചികിത്സാ സഹായവും മറ്റും എത്തിച്ചു നല്‍കാന്‍ ബാല മുന്നിട്ടിറങ്ങാറുണ്ട്. അതിന്റെ ചിത്രങ്ങളും വീഡിയോകളും ബാല പങ്കുവയ്ക്കാറുണ്ട്.
