‘അരവിന്ദന്റെ അതിഥികൾ’ എന്ന സൂപ്പർഹിറ്റ് ചിത്രത്തിന് ശേഷം എം മോഹനൻ ചിത്രത്തിൽ വിനീത് ശ്രീനിവാസൻ നായകനാകുന്നു. ഗോദക്ക് ശേഷം രാകേഷ് മണ്ടോടി എഴുതിയ, മഹാസുബൈർ വർണച്ചിത്രയുടെ ബാനറിൽ നിർമിക്കുന്ന ‘ഒരു ജാതി ജാതകം’. ജൂലൈലാണ് ഒരു ജാതി ജാതകം എന്ന സിനിമയുടെ ചിത്രീകരണം തുടങ്ങുക.
ശ്രീനിവാസൻ, അജു വർഗീസ്, മൃദുൽ നായർ അടക്കം വലിയ താരനിര തന്നെ ചിത്രത്തിൽ അണിനിരക്കുമെന്നാണ് അറിയാൻ കഴിയുന്നത്. വിനീത് ശ്രീനിവാസനും ശ്രീനിവാസനും വീണ്ടും ഒന്നിക്കുന്ന ചിത്രം എന്ന പ്രത്യേകത കൂടി ഇതിനുണ്ട മനു മഞ്ജിത്തിന്റെ വരികൾക്ക് ഗുണബാലസുബ്രഹ്‌മണ്യം ഈണം പകർന്നിരിക്കുന്നു. വിശ്വജിത്ത് ഒടുക്കത്തിൽ ഛായാഗ്രഹണം നിർവ്വഹിക്കുന്നു.
രഞ്ജൻ എബ്രഹാം എഡിറ്റിംഗ്.
ജോസഫ് നെല്ലിക്കൽ ആർട്ട്. ഷാജി പുൽപള്ളി ചമയം. സുജിത് മട്ടന്നൂർ വസ്ത്രാലങ്കാരം.ഷമീജ് കൊയിലാണ്ടി നിർമ്മാണ നിയന്ത്രണം. പ്രേമംലാൽ പട്ടാഴി സ്റ്റിൽസ്. വർണ്ണ ചിത്ര വിതരണം തുടങ്ങിയവരാണ് ചിത്രത്തിന്റെ അണിയറക്കാർ. അതേ സമയം എം മോഹനൻ സംവിധാനം ചെയ്ത അരവിന്ദന്റെ അതിഥികൾ കൊല്ലൂർ മൂകാംബിക ദേവി ക്ഷേത്ര പരിസരവും അവിടത്തെ ജീവിതവും പശ്ചാത്തലമായ ചിത്രമായിരുന്നു .
