16 വർഷമായി എന്നോട് അഗാധമായി പ്രണയിച്ചും അതു പോലെ കലഹിച്ചും ; സകലവിധമായ ഏടാ കൂടങ്ങൾക്കും ഒപ്പം നിന്നു ! വിവാഹവാർഷികം അഖ്‌ഘോഷംക്കി ചക്കപ്പഴത്തിലെ കുഞ്ഞുണ്ണി

നിരവധി പ്രേക്ഷകരുള്ള ഒരു പരമ്പരയാണ് ഫ്ളവേഴ്സിൽ സംപ്രേക്ഷണം ചെയ്യുന്ന ചക്കപ്പഴം. സ്ഥിരം കണ്ണീരും വിരഹവും വിട്ടുകൊണ്ട് കുടുകുടെ ചിരിക്കാൻ പ്രേക്ഷകരെ പ്രേരിപ്പിക്കുന്ന പരമ്പരയാണ് ചക്കപ്പഴം. അത് തന്നെയാണ് പരമ്പരയ്ക്ക് ഇത്രയുമധികം ആരാധകരെ സ്വന്തമാക്കാൻ കഴിഞ്ഞതിനു പിന്നിലെ കാരണവും. ഇന്നിപ്പോൾ ചക്കപ്പഴത്തിൽ കുഞ്ഞുണ്ണി എന്ന കഥാപാത്രത്തെ അവതരിപ്പിക്കുന്ന അമൽരാജ് ദേവ് സമൂഹമാധ്യങ്ങളിലൂടെ പങ്കുവെച്ചിരിക്കുന്ന ഒരു പോസ്റ്റാണ് വൈറലായിരിക്കുന്നത്.പതിനാറാം വിവാഹവാര്ഷികത്തോട് അനുബന്ധിച്ചാണ് താരം പോസ്റ്റ് പങ്കുവെച്ചിരിക്കുന്നത്. “ജീവിതം യൗവ്വന തീക്ഷണവും ഹൃദയം പ്രേമസുരഭിലവുമായിരിക്കുന്ന ഈ അസുലഭ കാലഘട്ടത്തിൽ എന്‍റെ പ്രിയതമ കഴിഞ്ഞ 16 വർഷമായി എന്നോട് അഗാധമായി പ്രണയിച്ചും അതു പോലെ കലഹിച്ചും എന്‍റെ പ്രതിരൂപങ്ങളായ രണ്ട് കുണ്ടാമണ്ടികളെ പ്രസവിച്ചു പോറ്റി വളർത്തിയും എന്‍റെ സകലവിധമായ ഏടാ കൂടങ്ങൾക്കും ഒപ്പം നിന്നു. ചിലതൊക്കെ മറുത്തും ചിലതൊക്കെ പൊറുത്തും ചിലപ്പോഴൊക്കെ കമ്പം പൊട്ടുമാറ് കടി പിടി കൂടിയും എന്നിരുന്നാലും ഞങ്ങൾ ഞങ്ങളായി അരങ്ങിലും (1000 ത്തിലധികം വേദികൾ പിന്നിട്ട പ്രേമലേഖനം നാടകം ) ജീവിതത്തിലും ( ആദീടേയും ആഗൂന്‍റേയും പപ്പായും അമ്മായുമായി ) ഒന്നിച്ചു ഒന്നായി നന്നായി പോകുന്നുണ്ടേ, കൂടുമ്പോൾ ഇമ്പമുണ്ടാവുക കുടുംബമായി.” ദിവ്യ ലക്ഷ്മിയെ അമൽരാജ്‌ദേവ് കൂടെ കൂട്ടിയത് 2005ലായിരുന്നു. ആയുഷ് ദേവും ആഗ്നേഷ് ദേവുമാണ് മക്കൾ. നർത്തകിയാണ് ഭാര്യ ദിവ്യ ലക്ഷ്മി.