ദെസ്വിന് പ്രേം അന്റോണിയോ മോഷന് പിക്ചേഴ്സ്,സമീർമൂവീസ് എന്നിവയുടെ ബാനറിൽ സംവിധാനം ചെയ്യുന്ന ഏറ്റവും പുതിയ ചിത്രം താരയുടെ ചിത്രികരണം ആരംഭിച്ചിരിക്കുകയാണ്.വളരെ പ്രധാനമായും ആണിന്റെയും പെണിന്റെയും വളരെ വലിയ സ്വാതന്ത്ര്യവും ഏറ്റവും ഉദാത്തമായ പരസ്പര ധാരണയും ഏറ്റവും കൂടുതൽ ചർച്ച ചെയ്യുന്ന ചിത്രം ആണ്മേധാവിത്വത്തിന്റെ ശക്തിയെ ചോദ്യം ചെയ്യുന്നു.കഥ വികസിക്കുന്നത് ആകട്ടെ ചെന്നൈ നിന്നും കൊച്ചിയിലേക്ക് യാത്ര ചെയ്യുന്ന സിതാരയിലൂടെയും ശിവയിലൂടെയുമാണ്.അതെ പോലെ തമിഴ് സിനിമാ ലോകത്ത് ഏറ്റവും കൂടുതൽ ശ്രദ്ധ നേടിയ ത്രില്ലര് മൂവി തൊടുപ്പിയുടെ സംവിധായകൻ തന്റെ കരിയറിൽ ആദ്യമായി സംവിധാനം ചെയ്യുന്ന മലയാള സിനിമ കൂടിയാണിത്.
ദെസ്വിന് പ്രേം ഇതിനോടകം തന്നെ അനവധി പരസ്യ ചിത്രങ്ങൾ സംവിധാനം ചെയ്തിട്ടുണ്ട്.അതെ പോലെ ഈ സിനിമയിൽ കേന്ദ്ര കഥാപാത്രമായിയെത്തുന്നത് രാക്ഷസന് എന്ന ചിത്രത്തിലെ സൈക്കോ ക്രിമിനല് ക്രിസ്റ്റഫറിനെ അവതരിപ്പിച്ച നാന് ശരവണനാണ്.അനുശ്രീയാണ് ചിത്രത്തിലെ സുപ്രധാന കഥാപാത്രമായ സിത്താരയായി വേഷമിടുന്നത്.ഫഹദ് ഫാസിൽ കേന്ദ്ര കഥാപാത്രമായി അഭിനയിച്ച മാലിക്കിലൂടെ ശ്രദ്ധയേനായ സനല് അമനാണ് ശിവ എന്ന കഥാപാത്രമായി അഭിനയിക്കുന്നത്.ഈ കൂട്ടത്തിൽ വിജിലേഷും, ദിവ്യ ഗോപിനാഥും പ്രധാന കഥാപാത്രമായി അഭിനയിക്കുന്നുണ്ട്.
തമിഴ് സിനിമ രംഗത്ത് ഏറ്റവും കൂടുതൽ പ്രേക്ഷക ശ്രദ്ധ നേടിയ ചിത്രങ്ങളായ തൊടുപ്പി, ഉതിരിപ്പൂക്കള്, മറിയാര്പൂതം എന്നീ ചിത്രങ്ങൾ നിർമ്മിച്ച സമീർ പി എം തന്നെയാണ് താരയുടെയും നിർമ്മാതാവ്.ചിത്രത്തിന്റെ സംവിധായകന്റെ തിരക്കഥയ്ക്ക് സംഭാഷണവും ഗാനരചനയും നിർവഹിക്കുന്നത് പ്രമുഖ കവിയും എഴുത്തുക്കാരനുമായ ബിനീഷ് പുതുപ്പണമാണ്.ക്യാമെറ കൈകാര്യം ചെയ്യുന്നത് ബിബിൻ ബാലകൃഷ്ണനാണ്.സംഗീതം നൽകിയിരിക്കുന്നത് വിഷ്ണു വി ദിവാകരനാണ്.വിനയന് എം.യാണ് എഡിറ്റിംഗ്, അഞ്ജന തങ്കച്ചനാണ് വസ്ത്രാലങ്കാരം.ഷാന് പുലിക്കൂടനാണ് പ്രൊഡക്ഷൻ കണ്ട്രോളറായി എത്തുന്നത്.പ്രതീഷ് ശേഖറാണ് പി.ആര്.ഒ, മണികണ്ഠനാണ് മേക്കപ്പ് ചെയ്യുന്നത്. സജിത്ത് പഗോമേത് ചിത്രത്തിന്റെ ചീഫ് അസോസിയേറ്റ് ഡയറക്ടർ.