ടെലിവിഷന്‍ ഷോകളിലൂടെ കോമഡി സ്‌കിറ്റുകള്‍ അവതരിപ്പിച്ച് പ്രേക്ഷകരെ ഒരുപാട് ചിരിപ്പിച്ച താരമാണ് തങ്കച്ചന്. ഒരു പ്രമുഖ ചാനല്‍ സംഘടിപ്പിച്ച സ്റ്റാര്‍ മാജിക് എന്ന റിയാലിറ്റി ഷോയാണ് തങ്കച്ചനെ പ്രേക്ഷകര്‍ക്ക് പ്രിയപ്പെട്ടവനാക്കി മാറ്റിയത്. എന്നാല്‍ പരിപാടിയില്‍ നിന്ന് പ്രിയപ്പെട്ട തങ്കുവിന്റെ അപ്രതീക്ഷിതമായ പിന്മാറ്റം ആരാധകര്‍ക്ക് ഇന്നും ഉത്തരം കിട്ടാത്ത ചോദ്യമാണ്. സ്റ്റാര്‍ മാജിക്കില്‍ നിന്നുള്ള അദ്ദേഹത്തിന്റെ പിന്മാറ്റത്തെ കുറിച്ച് ഷോയിലെ മറ്റൊരു താരമായ അനു പറയുന്നത് ഇതാണ്..
തങ്കച്ചന് വിളിക്കുമ്പോള്‍ ഫോണ്‍ എടുക്കുന്നില്ലെന്നും എന്താണ് വരാത്തത് എന്ന് ചോദിക്കുമ്പോള്‍ കൃതമായ മറുപടി നല്‍കാതെ ഒഴിഞ്ഞു മാറുകയാണ്. അതേസമയം മറ്റ് താരങ്ങളും അദ്ദേഹത്തിന്റെ അപ്രതീക്ഷിത പിന്മാറ്റത്തെ കുറിച്ച് പ്രതികരിച്ചിരുന്നു. നേരത്തെ, ഗള്‍ഫ് ഷോ കഴിഞ്ഞ് വന്നപ്പോള്‍ തങ്കച്ചന് ചില സിനിമകള്‍ വന്നു എന്നും, സിനിമ തിരക്കുകള്‍ കാരണമാണ് തങ്കച്ചന് വിട്ടു നില്‍ക്കുന്നത് എന്നും അസീസ് പറഞ്ഞിരുന്നു. തങ്കുവിനെ പുറത്താക്കിയതാണോ എന്ന് ചിലര്‍ ചോദിച്ചിരുന്നു.
എന്നാല്‍ തങ്കച്ചനെ പുറത്താക്കിയതല്ല എന്നും, അങ്ങനെ ഒരു സംഭവം ഞങ്ങളുടെ അറിവില്‍ ഇല്ല എന്നും ബിനീഷ് ബാസ്റ്റിന്‍ വ്യക്തമാക്കിയിരുന്നു. തങ്കച്ചന് ചേട്ടനെ സ്റ്റാര്‍ മാജിക്കില്‍ നിന്നും എല്ലാവരും ഫോണില്‍ ബന്ധപ്പെടാന്‍ ശ്രമിച്ചിരുന്നു എന്നും, എന്നാല്‍ അദ്ദേഹം വരുന്നില്ല, വാരാത്തതിന്റെ കാരണം അറിയില്ല എന്നുമാണ് അനു പറഞ്ഞത്. തങ്കച്ചന് ഇനി സ്റ്റാര്‍ മാജിക്കിലേക്കില്ല എന്ന് തന്നെയാണ് താരത്തിന്റെ ഏറ്റവും ഒടുവിലത്തെ ഇന്‍സ്റ്റഗ്രാം പോസ്റ്റും വ്യക്തമാക്കുന്നത്.
മറ്റൊരു ഷോ ആയ കോമഡി സ്റ്റാര്‍സിന്റെ വേദിയില്‍ നിന്നുമുള്ള തന്റെ ചിത്രങ്ങളാണ് തങ്കു സോഷ്യല്‍ മീഡിയയില്‍ പങ്കുവച്ചിരിക്കുന്നത്. ഇപ്പോഴും തങ്കു പ്രേക്ഷകരുടെ പ്രിയപ്പെട്ട ഷോ ആയ സ്റ്റാര്‍ മാജിക്കിലേക്ക് തിരിച്ചുവരുമോ എന്ന് തന്നെയാണ് ആരാധകരും ചോദിക്കുന്നത്.
