കഴിഞ്ഞ കുറച്ച് ദിവസങ്ങള്ക്കി സോഷ്യൽ മീഡിയയിൽ വൈറൽ ആയി കൊണ്ടിരിക്കുന്ന വാർത്തയാണ് അനുഷ്ക ഷെട്ടി വിവാഹിതയാകുന്നു എന്ന വാർത്ത. സംവിധായകന്‍ പ്രകാശ് കൊവേലമുടിയുമായി അനുഷ്കയുടെ വിവാഹം ഉറപ്പിച്ചു എന്നായിരുന്നു വാര്‍ത്തകള്‍. എന്നാണത് ഇത് കള്ളമാണ് അങ്ങനെ ഒന്ന് തീരുമാനിച്ചിട്ടില്ല എന്നാണ് അനുഷ്ക ഇപ്പോൾ പാറയുന്നത്.
ഒരു അഭിമുഖത്തിനിടെയാണ് അനുഷ്ക ഈ കാര്യം വെളിപ്പെടുത്തുന്നത്. ‘എനിക്ക് ഒന്നും മനസ്സിലാകുന്നില്ല. എങ്ങനെയാണ് ഇത്തരം വാര്‍ത്തകള്‍ ഉണ്ടാകുന്നത്. നിങ്ങള്‍ ഒരാളെക്കുറിച്ച്‌ എഴുതുമ്ബോള്‍ അവരുടെ കുടുംബത്തെക്കുറിച്ച്‌ ആലോചിക്കണം.ഇതൊന്നും സത്യമല്ല. ഗോസിപ്പുകള്‍ എന്നെ ബാധിക്കാറില്ല. എന്റെ വിവാഹം മറ്റുള്ളവര്‍ക്ക് ഒരു വിഷയമാകുന്നത് എന്തുകൊണ്ടാണെന്നും എനിക്ക് മനസ്സിലാകുന്നില്ല. നമുക്ക് ഒരാളുമായി പ്രണമുണ്ടെങ്കില്‍ അത് മറ്റുള്ളവരില്‍നിന്ന് മറയ്ക്കാനാവില്ല. അങ്ങനെയാണെങ്കില്‍ വിവാഹം എങ്ങനെ മറച്ചു വയ്ക്കാനാകും.
ആ വാര്‍ത്തകളൊന്നും സത്യമല്ല. അത്തരം അഭ്യൂഹങ്ങള്‍ എന്നെ ബാധിക്കുന്നില്ല. എന്റെ കല്യാണം ഇത്ര വലിയ കാര്യമാക്കുന്നത് എന്തുകൊണ്ടാണെന്ന് അറിയില്ല. ആര്‍ക്കും ഒരു ബന്ധം മറയ്ക്കാന്‍ കഴിയില്ല. പിന്നെയെങ്ങനെ എന്റെ കല്യാണം മറയ്ക്കാനാണ്. എന്റെ സ്വകാര്യതയിലേക്ക് ആരെങ്കിലും കടക്കാന്‍ ശ്രമിക്കുന്നത് എനിക്ക് ഇഷ്ടമല്ല. വിവാഹം ഒരു പവിത്രമായ ബന്ധമാണ്. അത് ശരിക്കും സംഭവിക്കുന്ന ദിവസം ആളുകള്‍ അറിയും. എന്നെ സന്തോഷിപ്പിക്കുന്ന കാര്യങ്ങള്‍ മറച്ചു വെയ്ക്കാന്‍ ഇഷ്ടപ്പെടാത്ത ഒരാളാണ് ഞാന്‍. ആരെയാണ് വിവാഹം കഴിക്കുന്നതെന്ന് പരസ്യമായി പ്രഖ്യാപിക്കാനിടയില്ല. എന്നോട് ചോദിക്കുന്ന ആളുകള്‍ക്ക് ഉത്തരം നല്‍കാന്‍ ഞാന്‍ എന്നും തയാറാണ്,’ അടുത്തിടെ ഒരു അഭിമുഖത്തില്‍ അനുഷ്ക പറഞ്ഞു.
