മലയാള സിനിമയിലെ ശ്രദ്ധേയയായ താരവും നര്‍ത്തകിയുമാണ് നടി ആശാ ശരത്. ഏറെ ആരാധകരുള്ള താരമാണ് ആശ. സീരിയലില്‍ നിന്നും ബിഗ്‌സ്‌ക്രീനിലേക്കെത്തിയ താരമാണ്. 2012 ല്‍ പുറത്തിറങ്ങിയ ഫ്രൈഡേയിലൂടെയാണ് ആശ സിനിമാരംഗത്തേക്ക് എത്തിയത്. മമ്മൂട്ടി, മോഹന്‍ലാല്‍ തുടങ്ങി മുന്‍നിര നായകന്മാരോടൊപ്പം തന്നെ ബിഗ് സ്‌ക്രീനില്‍ തിളങ്ങി.
കര്‍മ്മയോദ്ധാ, ദൃശ്യം, വര്‍ഷം, സക്കറിയയുടെ ഗര്‍ഭിണികള്‍, ഏഞ്ചല്‍സ്, പാവാട, കിങ് ലയര്‍, ആടുപുലിയാട്ടം, അനുരാഗ കരിക്കിന്‍ വെള്ളം, ദൃശ്യം 2, സിബിഐ 5 തുടങ്ങിയ സിനിമകളില്‍ ശ്രദ്ധിക്കപ്പെട്ടു. ആശ ശരത്ത് സോഷ്യല്‍ മീഡിയയില്‍ സജീവ സാന്നിധ്യമാണ്. തന്റെ പുതിയ ചിത്രങ്ങളും വിശേഷങ്ങളും സോഷ്യല്‍ മീഡിയയില്‍ താരം പങ്കുവെയ്ക്കാറുണ്ട്.
ഇപ്പോഴിതാ പുതിയ സന്തോഷം പങ്കുവച്ച് എത്തിയിരിക്കുകയാണ് താരം. ഭര്‍ത്താവിന് വിവാഹ വാര്‍ഷിക ആശംസകള്‍ നേര്‍ന്ന് എത്തിയിരിക്കുകയാണ് താരം. ആശ ശരത്ത് ഫെയ്‌സ്ബുക്കില്‍ പങ്കുവെച്ച കുറിപ്പ് ശ്രദ്ധേയമായിരിക്കുകയാണ്.
നിങ്ങള്‍ എന്റെ ഭര്‍ത്താവ് എന്നതിലുപരി എന്റെ ഏറ്റവും നല്ല ആത്മവിശ്വാസവും ഏറ്റവും നല്ല കൂട്ടുകാരനും മനസ്സാക്ഷി സൂക്ഷിപ്പുകാരനും ആണ്. നിങ്ങളില്ലാതെ എനിക്ക് ജീവിക്കാന്‍ കഴിയില്ല. എന്റെ ജീവിത പങ്കാളിക്ക് വിവാഹ വാര്‍ഷിക ആശംസകള്‍ എന്നാണ് ആശ ശരത്ത് ഫെയ്‌സ്ബുക്കില്‍ കുറിച്ചത്.
ശരത് വാര്യരാണ് ആശയുടെ ഭര്‍ത്താവ്. ഉത്തര, കീര്‍ത്തന എന്നിവരാണ് ആശയുടെ മക്കള്‍. മൂത്തമകള്‍ ഉത്തര സിനിമയിലും അരങ്ങേറ്റം കുറിച്ചിരുന്നു.
