സിനിമാ, ഡോക്യുമെന്ററി സംവിധായകനും കാര്ട്ടൂണിസ്റ്റുമായ കെ.പി ശശി അന്തരിച്ചു. 64 വയസായിരുന്നു. തൃശൂരിലെ സ്വകാര്യ ആശുപത്രിയിലായിരുന്നു അന്ത്യം. സാമൂഹികവും മാനസികവുമായ അതിക്രമങ്ങള്ക്ക് ഇരയാവുന്ന മലയാളി സ്ത്രീ ജീവിതം വിഷയമാക്കിയ ‘ഇലയും മുള്ളും’ എന്ന സിനിമയ്ക്ക് ദേശീയ അംഗീകാരം ലഭിച്ചിട്ടുണ്ട്.
കമ്യൂണിസ്റ്റ് പാര്ട്ടി സ്ഥാപക നേതാവ് കെ. ദാമോദറിന്റെ മകനാണ്. റെസിസ്റ്റിംഗ് കോസ്റ്റല് ഇന്വേഷന്, അമേരിക്ക അമേരിക്ക, ലിവിങ് ഇന് ഫിയര്, ഡവലപ്മെന്റ് അറ്റ് ഗണ്പോയന്റ് എന്നിവയാണ് ശ്രദ്ധേയങ്ങളായ മറ്റു ചിത്രങ്ങള്. 2013ല് പുറത്തിറങ്ങിയ ഡോക്യുമെന്ററിയായ ഫാബ്രിക്കേറ്റഡ് വലിയ ചര്ച്ചയായിരുന്നു.
ജെ.എന്.യുവില് വിദ്യാര്ത്ഥിയായിരിക്കെ എഴുപതുകളില് കാര്ട്ടൂണിസ്റ്റായാണ് തുടക്കം. മുബൈയിലെ ഫ്രീ പ്രസ്സ് ജേര്ണലില് കാര്ട്ടൂണിസ്റ്റായി ജോലിചെയ്തിരുന്നു. വിബ്ജ്യോര് ഫിലിം ഫെസ്റ്റിവലിന്റെ സ്ഥാപകരില് ഒരാളാണ്.