ഹൃത്വിക് റോഷൻ നായകനാകുന്ന പുതിയ ചിത്രം ഫൈറ്ററിലെ പാട്ട് പുറത്ത് വിട്ടു. ദീപിക പദുക്കോണാണ് നായികയായി എത്തുന്നത്. സംവിധാനം സിദ്ധാർഥ് ആനന്ദാണ്. ഹീർ ആസ്‍മാനി എന്ന ഗാനമാണ് ചിത്രത്തിലേതായി പുറത്ത് വന്നിട്ടുള്ളത്. വിശാലും ശേയ്‍ഖറുമാണ് ഗാനത്തിന്റെ സംഗീത സംവിധാനം നിർവഹിച്ചിരിക്കുന്നത്. കുമാർ എഴുതിയ വരികൾ ആലപിച്ചിരിക്കുന്നത് വിശാൽ ദാദ്‍ലാനി, ശേഖർ രവിജ്യാനി, ബി പ്രാക് എന്നിവരാണ്. അനിൽ കപൂറും ഫൈറ്ററിൽ ഒരു പ്രധാനപ്പട്ട കഥാപാത്രത്തെ അവതരിപ്പിക്കുന്നുണ്ട്. സഞ്‍ജീദ ഷെയ്‍കും നിർണായക വേഷത്തിൽ ഉണ്ടെന്നാണ് റിപ്പോർട്ട്.
ഇന്ത്യൻ സിനിമയിൽ ഇന്നുവരെ കാണാത്ത തരം ഏരിയൽ ആക്ഷൻ സീക്വൻസുകൾ ചിത്രത്തിൽ ഉണ്ടാകുമെന്നാണ് റിപ്പോർട്ടുകൾ. സച്ചിത് ഹൗലോസ് ആണ് ഛായാഗ്രാഹകൻ. സിദ്ധാർഥ് ആനന്ദും റമൺ ചിബും ചേർന്നാണ് ചിത്രത്തിൻറെ കഥാരചന. തിരക്കഥ റമൺ ചിബ്, സംഭാഷണം ഹുസൈൻ ദലാൽ, അബ്ബാസ് ദലാൽ, പ്രൊഡക്ഷൻ ഡിസൈനിംഗ് രജത് പൊഡ്ഡാർ, എഡിറ്റിംഗ് ആരിഫ് ഷെയ്ഖ്, വിഷ്വൽ എഫക്റ്റ്സ് സ്റ്റുഡിയോ റീഡിഫൈൻ ആൻ‍ഡ് ഡിനെഗ്. വയാകോം 18 സ്റ്റുഡിയോസ്, മാർഫ്ലിക്സ് പിക്ചേഴ്സ് എന്നീ ബാനറുകളിൽ മംമ്ത ആനന്ദ്, റമൺ ചിബ്, അങ്കു പാണ്ഡെ, കെവിൻ വാസ്, അജിത്ത് അന്ധേരെ എന്നിവരാണ് ഫൈറ്റർ നിർമ്മിക്കുന്നത്. ജനുവരി 25 ന് ചിത്രം തിയറ്ററുകളിൽ എത്തും.
