ബ്ലോക്ക്ബസ്റ്റർ വിജയമായി തിയേറ്ററുകളിൽ മുന്നേറുന്ന ‘ജയിലർ 2’ ചിത്രത്തിൽ തന്റെ നിരവധി രംഗങ്ങൾ ഒഴിവാക്കപ്പെട്ടതായി വെളിപ്പെടുത്തി നടി അന്ന രേഷ്മ രാജൻ. ചിത്രത്തിൽ സുരാജ് വെഞ്ഞാറമൂടിന്റെ കഥാപാത്രത്തിന്റെ ഭാര്യയായി വേഷമിട്ട അന്നയ്ക്ക് അദ്ദേഹത്തിനൊപ്പം നിരവധി കോമ്പിനേഷൻ സീനുകൾ ഉണ്ടായിരുന്നുവെങ്കിലും എഡിറ്റിംഗിനിടയിൽ ഏകദേശം പതിനാറോളം സീനുകൾ വെട്ടിക്കളയുകയായിരുന്നു എന്ന് താരം വ്യക്തമാക്കി.
ചിത്രത്തിന്റെ ദൈർഘ്യം കുറയ്ക്കുന്നതിന്റെ ഭാഗമായാണ് ഈ രംഗങ്ങൾ ഒഴിവാക്കിയതെന്നും, എന്നാൽ രജനികാന്തിനൊപ്പം അഭിനയിക്കാൻ സാധിച്ചതും ഒരു മാസം സെറ്റിൽ സന്നിഹിതനാകാൻ കഴിഞ്ഞതും വലിയൊരു അനുഭവമാണെന്നും അന്ന പറയുന്നു. തമിഴ്നാട്ടിൽ തന്റെ ഡയലോഗുകൾക്ക് മികച്ച സ്വീകാര്യതയാണ് ലഭിച്ചതെന്നും, ചിലപ്പോൾ ‘ജയിലർ 3’ യിൽ തന്റെ കഥാപാത്രം പ്രതികാരവുമായി തിരികെ വന്നേക്കാം എന്നും താരം തമാശരൂപേണ കൂട്ടിച്ചേർത്തു.
