വിവാദങ്ങൾക്കൊടുവിൽ റീ-എഡിറ്റഡ് എമ്പുരാൻ ഇന്ന് തിയേറ്ററുകളിലെത്തും. ഗര്ഭിണിയെ ബലാത്സംഗം ചെയ്യുന്ന രംഗമടക്കം മൂന്ന് മിനിറ്റ് വെട്ടിമാറ്റിയാണ് ചിത്രമെത്തുന്നത്. ദൃശ്യങ്ങൾ കൂടാതെ ചിത്രത്തിലെ ബാബ ബജ്റംഗിയെന്ന വില്ലന്റെ പേരും മാറ്റിയേക്കും വൈകിട്ടോടെയായിരിക്കും റീ എഡിറ്റ് ചെയ്ത ചിത്രത്തിന്റെ പ്രദര്ശനം. നേരത്തെ വ്യാഴാഴ്ചയോടെ പുതിയ പതിപ്പ് എത്തുമെന്ന വിവരമാണ് പുറത്തുവന്നത്. എന്നാൽ ഉടന് റീ എഡിറ്റ് ചെയ്ത പതിപ്പ് തിയേറ്ററുകളിലെത്തിക്കണമെന്ന കേന്ദ്ര സെന്സർ ബോര്ഡിന്റെ നിര്ദേശ പ്രകാരമായിരുന്നു അടിയന്തര നടപടിയെന്നാണ് വിവരം.
അതേസമയം, എമ്പുരാൻ സിനിമയിലെ വിവാദങ്ങളില് മോഹന്ലാല് ഖേദം പ്രകടിപ്പിക്കുയും പ്രൃഥ്വിരാജ് മോഹന്ലാലിന്റെ ഫേസ്ബുക്ക് പോസ്റ്റ് പങ്കുവയ്കുകയും ചെയ്തിരുന്നു. കഥയൊരുക്കിയ മുരളി ഗോപി വിവാദങ്ങളില് ഇതുവരെ പ്രതികരിച്ചിട്ടില്ല. സിനിമാ സംഘടനകളും വിഷയത്തില് മൗനത്തിലാണ്. വിവാദങ്ങള്ക്കിടയിലും തിയേറ്ററുകളില് നിറഞ്ഞ സദസില് പ്രദര്ശനം തുടരുകയാണ് ചിത്രം. സിനിമയുടെ റെക്കോര്ഡ് കളക്ഷന് വിവരങ്ങള് താരങ്ങള് തന്നെ പുറത്തുവിട്ടു. 2019ൽ പുറത്തിറങ്ങിയ ലൂസിഫർ എന്ന ചിത്രത്തിൻ്റെ തുടർച്ചയായ എൽ 2: എമ്പുരാൻ മാർച്ച് 27 ന് ആണ് തിയേറ്ററുകളിലെത്തിയത്.
