യാത്ര ചെയ്യുമ്പോഴും മറ്റും ടീബാഗ് ചായകളെ ആശ്രയിക്കുന്നവരാണ് പലരും. എളുപ്പത്തില് മുക്കി ഒരു ചായ ഉണ്ടാക്കിയതിന് ശേഷം ഉപേക്ഷിച്ച് കളയാമെന്ന സൗകര്യവും ഇവയ്ക്കുണ്ട്. എന്നാൽ ടീബാഗുകളുടെ പുറം ആവരണത്തിനായി ഉപയോഗിക്കുന്ന പോളിമര് അധിഷ്ഠിത സാമഗ്രികള് ലക്ഷണക്കണക്കിന് നാനോപ്ലാസ്റ്റിക്കുകളെയും , മൈക്രോപ്ലാസ്റ്റിക്കുകളെയും വെളിയിൽ വിടുന്നതിനാൽ ഇത് ആരോഗ്യത്തിന് ഹാനികരമാണെന്നാണ് പുതിയ പഠനങ്ങൾ സൂചിപ്പിക്കുന്നത്.
ഓട്ടണമസ് യൂണിവേഴ്സിറ്റി ഓഫ് ബാഴ്സലോണയാണ് ഇത് സംബന്ധിച്ച പഠനം നടത്തിയത്. നൈലോണ്-6, പോളിപ്രൊപ്പിലീന്,സെല്ലു ലോസ് എന്നിവ ഉപയോഗിച്ച് നിർമ്മിച്ച ടീബാഗുകളാണ് പഠനത്തിനായി ഉപയോഗിച്ചത്. ഇവ ചൂടുവെളത്തിലേക്ക് മുക്കുമ്പോൾ ഒരു മില്ലിലീറ്ററിന് 1.2 ബില്യണ് എന്ന അളവില് നാനോപ്ലാസ്റ്റിക്കുകള് പോളിപ്രൊപ്പിലീന് വെളിയില് എത്തുന്നതായി ഗവേഷകർ കണ്ടെത്തി. സെല്ലുലോസ്, നൈലോണ്-6 എന്നിവയും ദശലക്ഷ കണക്കിന് നാനോപ്ലാസ്റ്റിക്കുകളും മൈക്രോപ്ലാസ്റ്റിക്കുകളും പുറത്ത് വിടുന്നുണ്ടെന്നും പഠനറിപ്പോര്ട്ട് പറയുന്നു.
മനുഷ്യരുടെ കുടലിലെ കോശങ്ങൾ നാനോപ്ലാസ്റ്റിക്കുകളെ ഇങ്ങനെ വലിച്ചെടുക്കുന്നത് വഴി അവ രക്തപ്രവാഹത്തിലെത്തി ചേർന്ന് ശരീരം മുഴുവൻ വ്യാപിക്കും എന്നും ഗവേഷകർ മുന്നറിയിപ്പ് നൽകുന്നു
