ചർമ്മത്തെ സംരക്ഷിക്കുന്നതിന് പണ്ട് മുതൽക്കേ ഉപയോഗിച്ച് വരുന്ന ചേരുവകയാണ് വെളിച്ചെണ്ണ. അവശ്യ ഫാറ്റി ആസിഡുകൾ, വിറ്റാമിനുകൾ, ആന്റിഓക്സിഡന്റുകൾ എന്നിവയാൽ സമ്പന്നമാണ് വെളിച്ചെണ്ണ. വെളിച്ചെണ്ണ ചർമ്മത്തിൽ പുരട്ടുന്നത് സ്വാഭാവികമായി ഈർപ്പം നിലനിർത്തുന്നതിനാൽ അവ തിളക്കമുള്ള ചർമ്മത്തിന് അത്യുത്തമമാണ്.പതിവായി വെളിച്ചെണ്ണ ഉപയോഗിക്കുന്നത് ആരോഗ്യകരവും തിളക്കമുള്ളതുമായ ചർമ്മം നൽകുകയും ചെയ്യും. ഇനിയും ചർമ്മത്തെ സംരക്ഷിക്കാൻ വെളിച്ചെണ്ണ ഇങ്ങനെ ഉപയോഗിക്കാം എന്ന് നോക്കാം.
1 .1 ടേബിൾസ്പൂൺ വെളിച്ചെണ്ണയും 2 ടേബിൾസ്പൂൺ പ്ലെയിൻ തൈരും ചേർത്ത് യോജിപ്പിക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. 15 മിനുട്ട് കഴിഞ്ഞ് തണുത്ത വെള്ളത്തിൽ കഴുകുക. തൈരിലെ ലാക്റ്റിക് ആസിഡ് ചർമ്മത്തെ മോയ്സ്ചറൈസ് ചെയ്യുക ചെയ്യുന്നു.
2 .ഒരു ടേബിൾ സ്പൂൺ വെളിച്ചെണ്ണയും 2 ടേബിൾ സ്പൂൺ ഓട്സ് പൊടിച്ചതും യോജിപ്പിച്ച് മുഖത്തും കഴുത്തിലുമായി ഇടുക. ഉണങ്ങി കഴിഞ്ഞാൽ കഴുകി കളയുക.
3. 1 ടേബിൾസ്പൂൺ വെളിച്ചെണ്ണയിൽ 1 ടീസ്പൂൺ മഞ്ഞൾപ്പൊടി യോജിപ്പിക്കുക. 15 മിനുട്ട് നേരം മുഖത്തും കഴുത്തിലുമായി പുരട്ടുക. ഉണങ്ങി കഴിഞ്ഞാൽ കഴുകി കളയുക. മഞ്ഞൾ ചർമ്മത്തിന് തിളക്കം നൽകുകയും വീക്കം കുറയ്ക്കുകയും ചെയ്യുന്നു.
