തമിഴ് സിനിമാലോകത്തെ പ്രിയപ്പെട്ട താര ദമ്പതികളാണ് സൂര്യയും, ജ്യോതികയും. വീണ്ടും ശക്തമായ തിരിച്ച് വരവിലൂടെ ആരാധകരെ അമ്പരപ്പിക്കാന് ജ്യോതികയ്ക്ക് സാധിച്ചു. ഇന്നും പ്രേക്ഷകരുടെ മനസില് അതുപോലെ തന്റെ സ്ഥാനം നിലനി ർത്താൻ നടിക്ക് സാധിച്ചിട്ടുണ്ടെ . രജനികാന്ത്, കമല് ഹാസന്,അജിത്, വിജയ്, തുടങ്ങി തമിഴിലെ എല്ലാ മുന്നിര താരങ്ങള്ക്കൊപ്പവും അഭിനയിച്ച ജ്യോതിക സൂര്യയുടെ കൂടെ ഒന്നിച്ചഭിനയിച്ചതോടെയാണ് പ്രണയത്തിലാവുന്നത്. അങ്ങനെ താരകുടുംബത്തിലേക്ക് മരുമകളായി പോയി. കുടുംബത്തിന് വിവാഹത്തിന് ആദ്യം ചില എതിർപ്പുകളുണ്ടായിരുന്നു എന്നതരത്തിലൊക്കെ വാർത്തകൾ വന്നിരുന്നു. എന്തായാലും വിവാഹം കഴിഞ്ഞ് കുട്ടികൾ കൂടിയായതിന് ശേഷം കുറച്ചുകാലം ജ്യോതിക സിനിമയിലുണ്ടായിരുന്നില്ല. അഭിനയ ജീവിതത്തിൽ നിന്ന് പൂര്ണമായും വിട്ട് നിന്നു.എന്നാല് ജ്യോതിക അങ്ങനെ മാറി നില്ക്കാന് ഉള്ള കാരണം സൂര്യയുടെ പിതാവും തമിഴിലെ മുതിര്ന്ന നടനുമായ ശിവകുമാറാണെന്ന തരത്തിലുള്ള പ്രചരണങ്ങള് നിരവധി പുറത്ത് വന്നിരുന്നു.
ഈയടുത്തിടെയും ശിവകുമാറിനെതിരെ ഗുരുതര ആരോപണങ്ങളാണ് ഉയര്ന്ന് വന്നു കൊണ്ടിരിക്കുന്നത്. ജ്യോതികയുടെ ജീവിതത്തില് ശിവകുമാർ വല്ലാതെ ഇടപെടുന്നുണ്ടെന്നായിരുന്നു എന്നാണ് അറിഞ്ഞിരുന്നത് . സൂര്യ ,ജ്യോതികയെ വിവാഹം കഴിക്കുന്നതിനോട് തീരെ താല്പര്യമില്ലാതിരുന്ന ശിവകുമാര് തുടക്കം മുതലേ ഇവരുടെ വിവാഹത്തിന് സമ്മതിച്ചിരുന്നില്ല.എന്നാൽ എല്ലാ എതിര്പ്പുകളെയും മറികടന്ന് സൂര്യ ജ്യോതികയെ വിവാഹം കഴിച്ചെങ്കിലും ജ്യോതികയും ശിവകുമാറും തമ്മില് ഇടയ്ക്കിടെ അഭിപ്രായ വ്യത്യാസങ്ങള് ഉണ്ടാകാറുണ്ടെന്നും അതിനാലാണ് നടി മുംബൈയിലേക്ക് താമസം മാറ്റിയതെന്നും തുടങ്ങി നിരവധി റിപ്പോര്ട്ടുകള് വന്നിരുന്നു. എന്നാലിങ്ങനെ നിരന്തരമായി സൂര്യയുടെ പിതാവിനെ ചേര്ത്ത് അഭ്യൂഹങ്ങള് വന്നതോടെ ഇതില് വ്യക്തത വരുത്തി ജ്യോതിക തന്നെ രംഗത്ത് വന്നിരിക്കുകയാണ്. അടുത്തിടെ ഒരു അഭിമുഖത്തില് സംസാരിക്കുമ്പോള് ശിവകുമാറിനെപ്പറ്റി ഉയര്ന്ന ആരോപണങ്ങള് ജ്യോതിക പൂർണ്ണമായും തള്ളി കളഞ്ഞു. ഏറ്റവുമൊടുവില് താന് മലയാളസിനിമയിൽ അഭിനയിച്ചത് പോലും ശിവകുമാറിന്റെ പിന്തുണയിലാണെന്നാണ് ജ്യോതിക പറഞ്ഞത്.
മാത്രമല്ല താന് ഷൂട്ടിങ്ങിന് പോകുമ്പോള് വീടും കുട്ടികളും മനസിലുണ്ടാവാതെ സിനിമയിൽ മാത്രം ശ്രദ്ധിക്കണമെന്നുള്ള ഉപദേശം തന്നതും അദ്ദേഹമാണെന്നും ജ്യോതിക പറയുന്നു. താന് അഭിനയിക്കുന്ന സിനിമകളുടെ സംവിധായകരുമായി ശിവകുമാര് സംസാരിക്കുമെന്നും താന് അഭിനയിച്ച സിനിമകളെ കുറിച്ച് ഇടയ്ക്കിടെ പ്രശംസിക്കുകയും ചെയ്യാറുണ്ടെന്നും നടി പറഞ്ഞു , ഇക്കാര്യം താന് തന്നെ എല്ലാവരോടുമായി വ്യക്തമാക്കണമെന്നുണ്ടായിരുന്നു എന്നുമാണ് ശിവകുമാറിനെക്കുറിച്ച് ജ്യോതിക അഭിമാനത്തോടെ പറഞ്ഞത്. ഇപ്പോള് തിരിച്ചു വരവിലും മലയാളത്തിൽ ജ്യോതിക പ്രീയങ്കരിയായി മാറി. മമ്മൂട്ടി നായകനായി അഭിനയിച്ച കാതല് ദ കോര് എന്ന ചിത്രത്തിലൂടെയാണ് ജ്യോതിക മലയാളത്തിലേക്ക് തിരിച്ച് വരവ് നടത്തിയത്.