ബോളിവുഡിലെ ബെസ്റ്റി എന്നാണ് ഓറി അറിയപ്പെടുന്നത്. ഇപ്പോൾ ദുബൈയിൽ വച്ച് ഓറി നടത്തിയ ഒരു പാർട്ടിയുടെ ചിത്രങ്ങളാണ് സോഷ്യൽ മീഡിയയിൽ വൈറലായിട്ടുള്ളത്. മലൈക അറോറയ്ക്കും മകൻ അർഹനുമൊപ്പമാണ് ഓറി പാർട്ടി ആഘോഷിച്ചത്. തൻ്റെ ഇൻസ്റ്റാഗ്രാം സ്റ്റോറികളിലും ഫീഡിലും ഈ പാർട്ടിയുടെ ചിത്രങ്ങൾ ഓറി പങ്കുവെച്ചിട്ടുണ്ട്. മലൈക അറോറയ്‌ക്കൊപ്പം പോസ് ചെയ്തിട്ടുള്ള ഓറിയെ ചിത്രങ്ങളിൽ കാണാം.
ഒരു ഗ്രൂപ്പ് ചിത്രത്തിൽ, മലൈക അറോറ, അർഹാൻ ഖാൻ, ഡിസൈനർ നന്ദിത മഹ്താനി എന്നിവർക്കൊപ്പമാണ് ഓറിയുള്ളത്. അർഹനൊപ്പമുള്ള ചിത്രങ്ങളും ഓറി പങ്കിട്ടിട്ടുണ്ട്. “എല്ലാ വിളക്കുകൾക്കും ഇരുട്ടിനെ അണയ്ക്കാൻ കഴിയില്ല” എന്ന അടിക്കുറിപ്പോടെയാണ് ഈ ചിത്രം. മലൈക അറോറ ഒരു ഹാർട്ട് ഇമോജിയാണ് ഈ ചിത്രത്തിന് കമന്റായി നൽകിയത്.
എല്ലാ ബോളിവുഡ് പാർട്ടികളിലും പതിവ് സാന്നിധ്യമാണ് ഓറി. കുറച്ച് ദിവസങ്ങൾക്ക് മുമ്പ് നതാഷ പൂനവല്ല ആതിഥേയത്വം വഹിച്ച നിക്ക് ജോനാസിൻ്റെ സ്വാഗത പാർട്ടിയിൽ നിന്നുള്ള ചിത്രങ്ങളും ഓറി പോസ്റ്റ് ചെയ്തിരുന്നു. പാർട്ടിയിൽ നിക്ക് ജോനാസ്, സഹോദരൻ കെവിൻ, അഡാർ പൂനവല്ല, സുസ്സാൻ ഖാൻ, മലൈക അറോറ-അമിതാ അറോറ, അദിതി റാവു ഹൈദാരി എന്നിവർക്കൊപ്പമുള്ള അദ്ദേഹത്തിന്റെ ചിത്രങ്ങൾ പുറത്ത് വന്നിരുന്നു.
